ஆர்.எஸ்.எஸ். ஒரு மறைந்திருக்கும் கரையான்... ஆர்.எஸ்.எஸ். திரைமறைவில் அதிகாரத்தை அனுபவித்து வருகிறது.. காங்கிரஸ்

ஆர்.எஸ்.எஸ். ஒரு மறைந்திருக்கும் கரையான். இது விஷத்தை பரப்புவதன் மூலம் சமூகத்தை வெறுமையாக்குகிறது. ஆர்.எஸ்.எஸ். திரைமறைவில் அதிகாரத்தை அனுபவித்து வருகிறது என காங்கிரஸ் குற்றம் சாட்டியது

ராஜஸ்தானில் அண்மையில் நடந்த வகுப்புவாத வன்முறைகள் மற்றும் ஆல்வாரில் கோயில் இடிப்பு தொடர்பாக  முதல்வர் அசோக் கெலாட் தலைமையிலான காங்கிரஸ் அரசுக்கு எதிராக போராட்டங்கள் நடந்தன. மேலும் கோயில் இடிப்புக்காக காங்கிரஸ் அரசு மீது கடும் விமர்சனங்கள் எழுந்தன. அதேசமயம் பா.ஜ.க. மாநிலத்தில் பிரச்சினையை உருவாக்குவதாக காங்கிரஸ் கட்சி குற்றம் சாட்டியது.

ராஜஸ்தான் காங்கிரஸ் தலைவர் கோவிந்த் சிங் தோதஸ்ரா அடிக்கடி ஆர்.எஸ்.எஸ். மற்றும் பா.ஜ.க.வை கடுமையாக தாக்கி விமர்சனம் செய்து வருகிறார். அந்த வகையில் தற்போது ஆர்.எஸ்.எஸ். இயக்கத்தை கரையான் என்று சாடியுள்ளார். இது தொடர்பாக கோவிந்த் சிங் தோதஸ்ரா கூறியதாவது:  சமூகத்தை பிளவுப்படுத்துவதற்கு ஆர்.எஸ்.எஸ். முயற்சிக்கிறது. 

ஒரு கலாச்சார மற்றும் சமூக நிறுவனமாக பாசாங்கு செய்து சமூகத்தில் தவறான மற்றும் தவறான உண்மைகளை பரப்புவதன் மூலம் ஒருவருக்கு எதிரொக மற்றொருவரை ஆர்.எஸ்.எஸ். களமிறக்குகிறது. ஆர்.எஸ்.எஸ். ஒரு மறைந்திருக்கும் கரையான். இது விஷத்தை பரப்புவதன் மூலம் சமூகத்தை வெறுமையாக்குகிறது. ஆர்.எஸ்.எஸ். திரைமறைவில் அதிகாரத்தை அனுபவித்து வருகிறது. பொறுப்புக்கூறலை தவிர்க்க நேரடி அரசியலில் ஆர்.எஸ்.எஸ். ஈடுபடவில்லை. இவ்வாறு அவர் தெரிவித்தார்.