பா.ஜ.க. நாட்டுக்கு ஒரு வைரஸ், அதற்கு திரிணாமுல் காங்கிரஸ் மட்டுமே தடுப்பூசி... அபிஷேக் பானர்ஜி

பா.ஜ.க. நாட்டுக்கு ஒரு வைரஸ், அதற்கு திரிணாமுல் காங்கிரஸ் மட்டுமே தடுப்பூசி என திரிணாமுல் காங்கிரஸ் எம்.பி. அபிஷேக் பானர்ஜி தெரிவித்தார்.

திரிபுராவில் திரிணாமுல் காங்கிரஸ் சார்பில் நடைபெற்ற பொதுக்கூட்டத்தில் திரிணாமுல் காங்கிரஸ் எம்.பி. அபிஷேக் பானர்ஜி கலந்து கொண்டார். அந்த கூட்டத்தில், அபிஷேக் பானர்ஜி பேசுகையில் கூறியதாவது: அசாம், திரிபுரா மற்றும் மேகாலயாவில் திரிணாமுல் காங்கிரஸ் தனது இருப்பை உணர்த்தும். பா.ஜ.க. என்னை கண்டு பயப்படுகிறது.

திரிபுரா, அசாம், மேகாலயா ஆகிய மாநிலங்களில் திரிணாமுல் காங்கிரஸ் நுழைவதை தடுக்க முடியாது. ஜனநாயக விழுமியங்கள் சீர்குலைந்த மாநிலங்களில் மம்தா பானர்ஜியின் கட்சி ஜனநாயகத்தை மீண்டும் நிறுவும். திரிணாமுல் காங்கிரஸ் என்பது ஒரு டிவிடி போன்றது, அது கேட்கக்கூடியது மற்றும் பார்க்கக்கூடியது. அதேநேரத்தில் பா.ஜ.க. ஒரு ஆடியோ அமைப்பு, இது கேட்க மட்டுமே முடியும்.

வளர்ச்சி நடவடிக்கைகளை மீண்டும் கொண்டு வர, பா.ஜக.வின் வீட்டு வாசலில் குண்டர்களுக்கு பதிலாக வீட்டு வாசலில் அரசாங்கம் கொண்டு வர நிறுவன திரிணாமுல் காங்கிரஸ் விரும்புகிறது. பா.ஜ.க. நாட்டுக்கு ஒரு வைரஸ், அதற்கு திரிணாமுல் காங்கிரஸ் மட்டுமே தடுப்பூசி. இவ்வாறு அவர் தெரிவித்தார். திரிபுராவில் வரும் 23ம் தேதியன்று அம்மாநில சட்டப்பேரவை இடைத்தேர்தலில் போட்டியிடும் திரிணாமுல் காங்கிரஸ் வேட்பாளர்கள் பன்னா டெப் மற்றும் சன்ஹிதா பட்டாச்சார்யா ஆகியோருக்கான சாலை பேரணியில் அபிஷேக் பானர்ஜி கலந்து கொண்டார்.