Home விளையாட்டு கிரிக்கெட் தோண்டியெடுக்கப்பட்ட ட்வீட்கள்…. கிழிந்த முகத்திரை - ஒரே நாளில் பஸ்பமான கிரிக்கெட் வீரரின் வாழ்க்கை!

தோண்டியெடுக்கப்பட்ட ட்வீட்கள்…. கிழிந்த முகத்திரை – ஒரே நாளில் பஸ்பமான கிரிக்கெட் வீரரின் வாழ்க்கை!

இங்கிலாந்து-நியூஸிலாந்து அணிகளுக்கிடையேயான முதல் டெஸ்ட் கடந்த ஜூன் 2ஆம் தேதி தொடங்கியது. இப்போட்டியில் அறிமுக வீரராக ஒல்லி ராபின்சன் களமிறங்கினார். சர்வதேச அரங்கில் அவருக்கு இதுவே முதல் போட்டி. 27 வயதான ராபின்சன் பவுன்சர்கள், ஸ்விங் பந்து போட்டு நியூஸிலாந்து பேட்ஸ்மேன்களை கதிகலங்க வைத்தார். அறிமுக போட்டியிலேயே நான்கு விக்கெட்டுகளை சாய்த்து ரசிகர்கள் மத்தியில் பிரபலமடைந்தார். பந்தால் மட்டுமில்லாமல் தன்னால் பேட்டாலும் பதில் சொல்ல முடியும் என்பது போல் பொறுமையாக ரன் சேர்த்து இக்கட்டான நிலையிலிருந்து அணியை மீட்டெடுத்தார்.

தோண்டியெடுக்கப்பட்ட ட்வீட்கள்…. கிழிந்த முகத்திரை - ஒரே நாளில் பஸ்பமான கிரிக்கெட் வீரரின் வாழ்க்கை!
தோண்டியெடுக்கப்பட்ட ட்வீட்கள்…. கிழிந்த முகத்திரை - ஒரே நாளில் பஸ்பமான கிரிக்கெட் வீரரின் வாழ்க்கை!

இதனால் ஒரே நாளிலேயே புகழின் உச்சிக்குச் சென்றார் ராபின்சன். வானளவுக்குப் புகழ்ந்து தள்ளிய இங்கிலாந்து ரசிகர்கள் அவர் இங்கிலாந்து அணியின் விடிவெள்ளி என்று ட்வீட்களைத் தெறிக்கவிட்டனர். எந்த ட்விட்டரில் அவர் உச்சாணி கொம்பில் ஏறினாரோ அதே ட்விட்டரிலேயே பரமபதத்தில் பாம்பால் வெட்டப்பட்டு கீழ் இறங்கினார். அதற்குக் காரணம் டீன் வயதில் அவர் போட்ட ட்வீட்கள் தான்.

England's Ollie Robinson apologises after racist and sexist tweets emerge |  England cricket team | The Guardian

அந்த ட்வீட்களே அவரது கிரிக்கெட் கேரியருக்கும் உலை வைத்திருக்கிறது. 2013,14ஆம் ஆண்டுகளில் இனவெறி ட்வீட்களையும் பாலியல் ரீதியான ட்வீட்களையும் பதிவிட்டிருக்கிறார். அவரின் ட்விட்டர் பதிவுகளைத் தோண்டியெடுத்த ரசிகர்களுக்கு இந்த ட்வீட்கள் அதிர்ச்சியைப் பரிசளித்திருக்கின்றன. எந்த ரசிகர்கள் அவரைப் புகழ்ந்தார்களோ, அதே வேகத்தில் சாத்தி எடுத்தார்கள். அவரை உடனடியாக அணியிலிருந்து நீக்கியே ஆக வேண்டும் என கொந்தளித்தனர்.

Ollie Robinson: Call for cricket board to rethink 'over the top' suspension  over old racist and sexist tweets | UK News | Sky News

இதையடுத்து விவகாரத்தின் உண்மைத்தன்மையை ஆராய்ச்சி செய்தது இங்கிலாந்து கிரிக்கெட் வாரியம். அவர் உண்மையாகவே ட்வீட்களை பதிவிட்டிருந்ததால், அவரை சர்வதேச கிரிக்கெட்டில் பங்கேற்க 7 மாதங்களுக்கு தடை விதிக்கப்பட்டுள்ளது. அவர் மன்னிப்பு கேட்டும் வாரியம் ஏற்க தயாராக இல்லை. அடுத்த போட்டியில் பங்கேற்கவும் தடை விதிக்கப்பட்டிருக்கிறது. இதனால் ஒரு நாளில் தோன்றி உயிரிழக்கும் ஈசல் போல அவரின் கிரிக்கெட் கேரியர் அதலபாதாளத்திற்குச் சென்றுள்ளது.

தோண்டியெடுக்கப்பட்ட ட்வீட்கள்…. கிழிந்த முகத்திரை - ஒரே நாளில் பஸ்பமான கிரிக்கெட் வீரரின் வாழ்க்கை!
-Advertisement-

மாவட்ட செய்திகள்

-Advertisement-

சமீபத்திய செய்திகள்

பஞ்சாப் காங்கிரஸை வேறு யாராவது பலப்படுத்த முடியுமானால் என்னை நீக்குங்க.. சுனில் ஜாகர்

பஞ்சாப் காங்கிரஸை வேறு யாராவது பலப்படுத்த முடியுமானால் என்னை தலைவர் பதவியிலிருந்து நீக்கப்பட வேண்டும் என்று நான் ஆரம்பம் முதலே சொல்லி வருகிறேன் என சுனில் ஜாகர் தெரிவித்தார்.

பீகார் பா.ஜ.க. கூட்டணிக்குள் விரிசல்?.. ஜிதன் ராம் மாஞ்சியுடன் லாலு பிரசாத் மூத்த மகன் ரகசிய சந்திப்பு

பீகாரில் தேசிய ஜனநாயக கூட்டணியில் இடம் பெற்றுள்ள ஜிதன் ராம் மாஞ்சியை, ராஷ்டிரிய ஜனதா தள கட்சியின் தலைவர் லாலு பிரசாத் யாதவின் மூத்த மகன் தேஜ் பிரதாப் யாதவ்...

கடவுளின் அவதாரம் அழைத்துக்கொள்ளும் சிவசங்கருக்கு மீண்டும் சம்மன்

கடவுளின் அவதாரம் என தன்னை அழைத்துக் கொள்ளும் சிவசங்கர் பாபா மீது எழுந்த பாலியல் குற்றச்சாட்டு குறித்த விசாரணைக்காக அவருக்கு குழந்தை உரிமைகள் பாதுகாப்பு ஆணையம் மீண்டும் சம்மன் அனுப்பியுள்ளது.

காஷ்மீர் விவகாரம்.. திக்விஜய சிங் பேசிய ஆடியோவை வெளியிட்ட பா.ஜ.க… சிக்கலில் காங்கிரஸ்

காங்கிரஸ் ஆட்சிக்கு வந்தால் காஷ்மீரின் 370வது பிரிவு ரத்து செய்யப்பட்டதை மறுபரிசீலனை செய்யும் என்று அந்த கட்சியின் மூத்த தலைவர் திக்விஜய சிங், பாகிஸ்தான் செய்தியாளரிடம் பேசிய ஆடியோ ஒன்றை...
- Advertisment -
TopTamilNews