தமிழகத்தில் இடைத்தேர்தல் இல்லை: தேர்தல் ஆணையம்

தமிழகத்தில் காலியாக உள்ள சட்டமன்ற தொகுதிகளுக்கு இடைத்தேர்தல் நடத்தும் சூழல் தற்போது இல்லை என தலைமை தேர்தல் ஆணையம் தெரிவித்துள்ளது.

தமிழகத்தில் காலியாக உள்ள சட்டமன்ற தொகுதிகளுக்கு இடைத்தேர்தலை நடத்துவதில்லை என தேர்தல் ஆணையம் முடிவு எடுத்துள்ளது. தமிழகத்தில்காலியாக உள்ள குடியாத்தம், திருவொற்றியூர் சட்டப்பேரவை தொகுதிகளுக்கு இப்போது இடைத்தேர்தல் இல்லை என்றும் கேரளா , அசாம், மேற்கு வங்காளம் மாநிலங்களிலும் காலியாக உள்ள தொகுதிகளுக்கும் தற்போது தேர்தல் இல்லை என்றும் தலைமை தேர்தல் ஆணையம் தெரிவித்துள்ளது. காலியாக உள்ள கன்னியாகுமரி நாடாளுமன்ற தொகுதிக்கு விரைவில் அறிவிப்பு வெளியாகும் என்று அறிவிக்கப்பட்டுள்ளது.

சட்டமன்ற தொகுதிகள் காலி என அறிவிக்கப்பட்ட 6 மாதத்திற்குள் தேர்தல் நடத்தப்பட வேண்டிய நிலையில் ஆணையம் இவ்வாறு அறிவித்துள்ளது. இடைத்தேர்தல் நடத்துவதில் சிக்கல் இருப்பதாக பல்வேறு மாநில தலைமைச் செயலாளர்கள் கடிதம் எழுதியுள்ளனர் என்றும் தேர்தல் ஆணையம் கூறியுள்ளது.