தனியார் தோட்டத்தில் பிடிபட்ட மண்ணுளி பாம்பு- காப்பு காட்டில் விடப்பட்டது!

நாகப்பட்டினம்

நாகை மாவட்டம், வேதாரண்யம் அருகே பிடிபட்ட அரியவகை மண்ணுளி பாம்பை, வனத்துறையினர் பாதுகாப்பாக வனத்தில் விட்டனர்.

வேதாரண்யம் அருகே உள்ள தோப்புத்துறையில், வன துர்க்கை அம்மன் கோவில் அருகே, ஒரு வீட்டின் பின்புறம் பிடிபட்ட மண்ணுளி இருப்பதாக போலீசாருக்கு தகவல் கிடைத்துள்ளது. இதையடுத்து

கோடியக்கரை வனவிலங்கு சரணாலய அலுவலர் குமரசுவாமி உத்தரவின்பேரில், வனச்சரகர் பாரதிதாசன் லோகநாதன் ஆகியோர் தோப்புத்துறை சென்று மண்ணுளி பாம்பை கைப்பற்றினர்.

அதையடுத்து அந்த பாம்பினை, கோடியக்கரை ராமர் பாலம் அருகே உள்ள காட்டுப்பகுதிக்கு எடுத்துச் சென்று பாதுகாப்பாக விட்டனர்.