”23ம் தேதி மோட்டோ இ7 பிளஸ் போன் அறிமுகம்”-பிளிப்கார்டில் அறிமுகப்படுத்தும் மோட்டோரோலா !

வரும் 23ம் தேதியன்று இந்தியாவில் மோட்டோ இ7 பிளஸ் ஸ்மார்ட்போனை மோட்டோரோலா நிறுவனம் அறிமுகப்படுத்த திட்டமிட்டுள்ளது.

ஏற்கனவே பிரேசில் நாட்டில் இந்த போன் அறிமுகப்படுத்தப்பட்டுவிட்ட நிலையில், பிளிப்கார்டில் வரும் 23ம் தேதி மோட்டோ இ7 பிளஸ் அறிமுகப்படுத்தப்பட உள்ளது. இந்த போன் 6.5 இன்ச் எச்டி பிளஸ் திரை, ஸ்நாப்டிராகன் 460 பிராசசர், 4 ஜிபி ரேம், 64 ஜிபி மெமரி, எஸ்டி கார்டு இணைக்கும் வசதி, 5000 எம்ஏஎச் பேட்டரி மற்றும் 10 வாட்ஸ் பாஸ்ட் சார்ஜர் என பலதரப்பட்ட வசதிகளுடன் வருகிறது.

ஆண்டிராய்ட் 10 இயங்குதளத்தில் இயங்கும் இந்த போனின் கேமராவை பொறுத்தவரை பின்புறத்தில் 48 மெகா பிக்சல் மற்றும் 2 மெகா பிக்சல் கேமராவும், முன்புறத்தில் 8 மெகா பிக்சல் செல்பி கேமராவும் கொண்டு வெளியாக உள்ளது. இதன் விலை குறித்த எந்த விபரமும் தெரியவில்லை என்றாலும் பிரேசிலில் இதன் விலை இந்திய மதிப்பில் 18 ஆயிரத்து 700 என்பது குறிப்பிடத்தக்கது.

-எஸ். முத்துக்குமார்