முன்னாள் முதல்வரும் அதிமுக நிறுவனருமான எம்.ஜி.ஆரின் 33ஆவது நினைவு நாள் இன்று. இதனையொட்டி, தமிழகத்தின் பல இடங்களில் எம்.ஜி.ஆரின் திருவுருவப்படத்திற்கு அதிமுகவினர் மாலை அணிவித்து, மலர் தூவி மரியாதை செலுத்தி வருகின்றனர்.
அந்த வகையில், துணை முதல்வர் ஓபிஎஸ் சென்னை க்ரீன்வெஸ் தனது வீட்டில் வைக்கப்பட்டுள்ள எம்ஜிஆரின் திருவுருவப் படத்திற்கு மலர் தூவி மரியாதை செலுத்தினார். முதல்வர் பழனிசாமியும் தனது இல்லத்தில் வைக்கப்பட்டிருக்கும் புகைப்படத்திற்கு மரியாதை செலுத்தினார்.
இதைத்தொடர்ந்து, சென்னை மெரினா கடற்கரையில் இருக்கும் எம்.ஜி.ஆரின் நினைவிடத்தில் ஓபிஎஸ் மற்றும் ஈபிஎஸ் இணைந்து மலர் தூவி மரியாதை செலுத்தினர். அமைச்சர் செல்லூர் ராஜு, வேலுமணி, ஜெயக்குமார் உள்ளிட்டோரும் அதிமுகவின் முக்கிய பிரமுகர்கள் பலரும் பங்கேற்றுள்ளனர்.