மனைவியை சமூக வலைதளத்தில் விபச்சாரி என விளம்பரம் செய்த நபர்… வரதட்சணைக் கொடுமையால் அரங்கேறிய கொடூரம்!

உத்தரபிரதேசத்தில் நடந்த ஒரு சம்பவத்தில், வரதட்சனையாக பைக் வாங்கித் தரவில்லை என்பதற்காக அவரது மனைவி பாலியல் தொழில் செய்வதாக விளம்பரம் செய்ததை அடுத்து அந்த நபர் கைது செய்யப்பட்டுள்ளார்.

இந்த சம்பவம் மெஹ்நகர் பொலிஸ் வட்டத்தின் கீழ் உள்ள துதியா கிராமத்தில் நடந்தது, அங்கு குற்றம் சாட்டப்பட்ட புனீத் தனது மனைவியை மோட்டார் சைக்கிள் வாங்கித் தரவில்லை என துன்புறுத்தியதாகவும், அடிக்கடி அவளை அடிப்பார் என்றும் கூறப்படுகிறது. இதையடுத்து மனைவி அனைத்து மகளிர் காவல்நிலையத்தில் புகார் அளித்தார். இதனால் மேலும் கோபமடைந்த புனீத், பின்னர் தனது மனைவியின் படத்தை தனது தொலைபேசி எண்ணுடன் சமூக ஊடகங்களில் வெளியிட்டு அவர் ஒரு விபச்சாரி என்றும் அவருடன் உடலுறவு கொள்ள விரும்புபவர்கள் பணம் செலுத்துமாறு விளம்பரம் பதிவிட்டுள்ளார்.

அந்தப் பெண் தனது மொபைல் போனில் பாலியல் தொடர்பான அழைப்புகளைப் பெறத் தொடங்கியதும் சைபர் செல்லில் புகார் அளித்தார், தனது கணவர் மீது புகார் அளித்தார். இந்த புகாரை ஏற்றுக்கொண்ட போலீசார் திங்களன்று புனீத்தை கைது செய்து சிறையில் அடைத்தனர். பெண்களுக்கு எதிரான குற்றம் சாட்டப்பட்டவர்களுக்கு கடுமையான தண்டனையை உறுதி செய்வோம்” என்று போலீசார் கூறினர்.

இதேபோன்ற வழக்கு இரண்டு நாட்களுக்கு முன்பு மாவட்டத்தில் நடந்ததாகவும், அந்த வழக்கில் குற்றம் சாட்டப்பட்டவர்களும் கைது செய்யப்பட்டுள்ளனர் என்றும் போலீஸ் தெரிவித்தது