பெண் குழந்தை பிறந்ததால் மாமனாருக்கு கத்திக்குத்து ! மணமகனின் வெறிச்செயல் !!

பெங்களூரு மாரத்தஹள்ளி பகுதியில் பெண் குழந்தை பிறந்ததால் அதிருப்தி அடைந் மருமகன் ஆத்திரத்தில் மாமனாரை கத்தியால் குத்திய சம்பவம் நடைபெற்றுள்ளது.

கடந்த திங்கட்கிழமையன்று கர்நாடக மாநிலம் பெங்களூருவில் உள்ள மராத்தஹள்ளி பகுதியில் 52 வயது நபர் ஒருவர் தனது மருமகனால் கத்தியால் குத்தப்பட்டதாகக் கூறப்படுகிறது. பாதிக்கப்பட்ட நபர் தனது மகள் ஒரு பெண் குழந்தையை பிரசவித்ததிலிருந்து அவரும் அவரது குடும்பத்தினரும் தங்கள் மருமகனால் துன்புறுத்தப்படுவதாகக் கூறினார்.

பொம்மனஹல்லி பகுதியில் வசித்து வரும் அன்னயப்பா. அவரது மருமகன் மஞ்சுநாதா. மஞ்சுநாதா கத்தியால் தாக்கியதால், மாமனாரின் முதுகில் மூன்று அங்குல ஆழத்தில் காயம் ஏற்பட்டது. மூன்று மாதங்களுக்கு முன்பு, அன்னயப்பாவின் மகள் ஒரு பெண் குழந்தையைப் பெற்றெடுத்தார், ஒரு ஆண் குழந்தையை விரும்பிய மஞ்சுநாதாவின் குடும்பத்தின் இது ஏமாற்றத்தை தந்தது. அப்போதிருந்து, மஞ்சுநாதா தனது மனைவியின் குடும்பத்தினருடன் அடிக்கடி தகராறில் ஈடுபட்டு வந்துள்ளார். இந்த பிரச்சனையை பேசி தீர்த்துவிட, திங்கள்கிழமை இரவு 9:30 மணியளவில், அன்னயப்பா தனது இரண்டு மகன்கள் மற்றும் அவரது மருமகனுடன் மஞ்சுநாதாவின் வீட்டிற்குச் சென்று பேச்சு வார்த்தை நடத்தி உள்ளார். அப்போது தகராறு ஏற்பட்டுள்ளது. அப்போது திடீரென மஞ்சுநாதா ஒரு கத்தியைக் கொண்டு வந்து அன்னயப்பாவை முதுகில் குத்தினார். இதனால் மயங்கி விழுந்த அன்னயப்பா அவர் அருகிலுள்ள மருத்துவ மருத்துவமனைக்கு கொண்டு செல்லப்பட்டார்.
இதையடுத்த அன்னயப்பா மராத்தஹள்ளி போலீஸை அணுகி புகார் அளித்தார். புகாரை ஏற்றுக்கொண்ட போலீசார் மஞ்சுநாதா மீது வழக்கு பதிவு செய்தனர்.