கடலளவு நோய் எதிர்ப்பு சக்தி கொடுத்து, உடலை தாய் போல காக்கும் இந்த பொருள்
வெள்ளைப் பூசணியை உட்கொள்வது ஏராளமானநோய் எதிர்ப்பு சக்தியைக் கொடுக்கிறது, அதேநேரத்தில் அது உங்கள் நரம்புகளை மிகவும் அமைதியாகவும் வைத்திருக்கிறது. நீங்கள் காபி குடித்தால், அது தூண்டுதலுடன் கூடிய சக்தியைத் தருகிறது. நீங்கள் ஒரு கிளாஸ் வெண்பூசணியைக் குடித்தால், அது உங்களுக்கு ஏராளமான சக்தியைத் தருவதோடு, உங்களை சாந்தமாகவும் வைத்திருக்கிறது.
நீங்கள் சிறிது வெள்ளைப் பூசணிச் சாற்றை உட்கொண்டால், அது உடலமைப்பை குளிர்விக்கும். மூலநோய் மற்றும் மலச்சிக்கல், சூட்டினால் உண்டாகும் கொப்புளங்கள் போன்ற பிரச்சனைகளை உருவாக்கும் அதிக உடல் வெப்பம் உள்ளவர்களுக்கு, இது பலனளிக்கும்.
வெண்பூசணி பிரதானமாக நீரினால் (சுமார் 96%) ஆனது, இது வைட்டமின் சி மற்றும் பி-காம்ப்ளக்ஸ் வைட்டமின்களான நியாசின், தியமின் மற்றும் ரிபோஃப்ளேவின் உள்ளிட்ட பலவகையான வைட்டமின்கள் மற்றும் தாதுக்களையும் கொண்டுள்ளது. இரும்பு, பொட்டாசியம், துத்தநாகம், கால்சியம் மற்றும் மெக்னீசியம் போன்ற தாதுக்களின் மதிப்புமிக்க ஆதாரமாக வெண்பூசணி உள்ளது. இது போதுமான அளவு புரதம், கார்போஹைட்ரேட் மற்றும் உணவாகக்கூடிய நார்ச்சத்து ஆகியவற்றை வழங்குகிறது
வெள்ளைப் பூசணி ஜூஸ்
தேவையானப் பொருட்கள்
பட்டியல்
வெள்ளைப் பூசணி, 4-5 அங்குல அளவு – 1
எலுமிச்சை சாறு – 6 தேக்கரண்டி
கருப்பு மிளகு தூள் – 3 தேக்கரண்டி
உப்பு – 3 தேவையான அளவு
செய்முறை
பட்டியல்
வெள்ளைப் பூசணியை வெட்டி, தோல் மற்றும் விதைகளை அகற்றவும்
மென்மையான கூழாக அரைத்து, பின் வடிகட்டி அதில் எலுமிச்சை சாறு, கருப்பு மிளகு தூள் மற்றும் உப்பு சேர்த்து கலக்கவும்
வெண்பூசணி மற்றும் தர்பூசணி ஸ்மூத்தி
வெண்பூசணி மற்றும் தர்பூசணியை ஜுசர் அல்லது மிக்ஸியில் தண்ணீர் அல்லது தயிர் கலந்து அரைக்கவும், அதனுடன் தேன் அல்லது கற்றாழை சிரப் சேர்த்து கலந்து சுவைக்கலாம்.
வெள்ளைப் பூசணி ரைத்தா
வெள்ளைப் பூசணியை அரைத்து வெறும் தயிருடன் கலந்து, எலுமிச்சை சாறு, உப்பு சேர்த்து, கருப்பு மிளகு மற்றும் வறுத்த சீரகத்தூள் தூவவும். (எந்த காரமான இந்திய அல்லது மெக்ஸிகன் உணவுக்கும் ரைத்தா ஒரு சிறந்த பதார்த்தமாகும்.)
எலுமிச்சை மற்றும் வெண்பூசணி கூலர்
ஒரு ஜுசரில் 2-3 கப் வெண்பூசணிச் சாறு, எலுமிச்சை சாறு மற்றும் உப்பு சேர்க்கவும். ஒரு புதிய சுவைக்காக புதினா அல்லது கொத்தமல்லி தழைகள் சேர்த்து கலக்கவும்.