மாத்திரையில்லாமல் உங்க இதயத்தை நூறு வருஷம் துடிக்க வைக்க ஆறு யோசனைகள்

சீரற்ற இதயத்துடிப்பை அவ்வப்போது உணர முடியும். இதயத்தில், மேல் அறை, கீழ் அறை என்று இரண்டு அறைகள் உள்ளன. இப்பிரச்னை இருந்தால், இதயத்தின் மேல் அறையில், வழக்கத்தை விடவும் இதயத்துடிப்பு அதிகமாக இருக்கும்.
சராசரியாக நிமிடத்திற்கு, 72 - 82 முறை இதயத்துடிப்பு இருக்க வேண்டும். இதைக் காட்டிலும் மிக அதிகமாக துடிக்கும் போது, இதய அறையில் உள்ள ரத்தம் முழுமையாக வெளியில் வராது. காரணம், இதயத் தசைகள், முழு திறனுடன் சுருங்கி விரிந்தால் மட்டுமே, முழு ரத்தமும் வெளியே வரும்; ரத்த அழுத்தம் சீராக இருக்கும்.
மிக வேகமாக துடிக்கும் போது, ரத்தம் அங்கேயே தங்கி, அழுத்தம் அதிகமாகி, சிறிய ரத்தக் கட்டிகள் உருவாகும். இக்கட்டிகள் சில நேரங்களில் வெளியில் வந்து, உடலில் எந்தப் பகுதியில் இருக்கும் ரத்த நாளங்களையும் அடைக்கும் வாய்ப்பு உள்ளது. இதனால், பக்கவாதம், மூச்சுத் திணறல், இதய கோளாறுகள் போன்ற பல்வேறு பிரச்னைகள் வரலாம்.

மாறி வரும் வாழ்க்கை முறையால் மாரடைப்பு பாதிப்பு நாளுக்கு நாள் அதிகரித்து வருகிறது. அத்தகைய சூழ்நிலையில், உங்கள் ஆரோக்கியத்தைப் பற்றி அதிக விழிப்புடன் இருக்க வேண்டும். ஆரோக்கியமாக இருக்க சிறந்த உணவுடன், உங்கள் பழக்கத்தையும் மாற்ற வேண்டும். எனவே இதய நோய்களை மருந்துகளின்றி எவ்வாறு குணப்படுத்துவது என்பதை தெரிந்து கொள்வோம்.

1. காலை நடைப்பயிற்சியை பழக்கமாக்குங்கள்

முதலில் காலை நடையை உங்கள் பழக்கத்தில் சேர்த்துக்கொள்ளுங்கள். தினமும் 30 முதல் 40 நிமிடங்கள் நடைப்பயிற்சி செய்வதன் மூலம் ரத்த அழுத்தம் மற்றும் கொலஸ்ட்ராலை கட்டுப்படுத்தலாம். இவ்வாறு செய்வதன் மூலம் மாரடைப்பு அபாயம் குறையும்.

2.  மன அழுத்தம், டென்ஷன்  கூடாது

டென்ஷன், மன அழுத்தம் இதய நோய்களின் அபாயத்தையும் அதிகரிக்கிறது. அத்தகைய சூழ்நிலையில், நீங்கள் அதிக டென்ஷன் எடுத்துக் கொள்ளக் கூடாது. மன அழுத்தத்தைக் குறைக்க, உங்களுக்கு நெருக்கமான உரவினர்கள், நண்பர்களுடன் வாரத்திற்கு ஒரு முறையாக சிறிது நேரம் கழிக்கவும். இது தவிர, உங்களுக்கு மிகுந்த மகிழ்ச்சியைத் தரும் வேலையில் ஈடுபடுங்கள்.  இசையில் ஆர்வம் என்ரால், மனதிற்கு இதமான இசையை தினமும் கேளுங்கள்.

3.  உணவில் பழங்கள் மற்றும் காய்கறிகள்

பழங்கள் மற்றும் காய்கறிகளை உங்கள் உணவில் சேர்த்துக் கொள்வது மிகவும் அவசியம் . உண்மையில், பழங்கள் மற்றும் காய்கறிகளில் ஏராளமான நார்ச்சத்து உள்ளது, இது நீரிழிவு மற்றும் இதயம் தொடர்பான நோய்களிலிருந்து உங்களைப் பாதுகாக்கிறது. அவற்றில் ஆன்டிஆக்ஸிடன்ட்கள் உள்ளன, அவை உங்கள் செல்களை இறக்காமல் பாதுகாக்கின்றன, இது நீரிழிவு மற்றும் இதய நோய்களிலிருந்து உங்களைப் பாதுகாக்கிறது.

4. உணவில் நட்ஸ் சேர்த்துக்கொள்ளுங்கள்

நட்ஸ் சாப்பிடுவதன் மூலமும் இதயத்தைப் பாதுகாக்கலாம். உண்மையில், நட்ஸ் வகை பருப்புகளில் நார்ச்சத்து மற்றும் ஒமேகா -3 கொழுப்பு அமிலங்கள் உள்ளன.  இது உடலில் இருந்து கெட்ட கொழுப்பை அகற்ற உதவுகிறது.

5. தினமும் நன்றாக தூங்குங்கள்

இதயத்தைப் பாதுகாப்பாக வைத்திருக்க நல்ல தூக்கமும் அவசியம். 7 முதல் 8 மணி நேரம் தூங்கினால் உடல் ஆரோக்கியமாக இருக்கும். இரவு 10 மணிக்குப் பிறகு தூங்க முயற்சி செய்யுங்கள். ஏனென்றால் தூங்கும் நேரமும் மிகவும் முக்கியமானது.