சூரியனின் முதல் நட்சத்திரம் – கார்த்திகை நட்சத்திர பொதுப் பலன்கள்

27 நட்சத்திரங்களில் சூரியனின் முதல் நட்சத்திரமாக கார்த்திகை நட்சத்திரம் உள்ளது.

இந்த நட்சத்திரத்தில் பிறந்தவர்கள் நியாயத்தின் பக்கம் துணை நிற்பார்கள். கல்வி மீது விருப்பம் உள்ளவர்களாக இருப்பார்கள். கார்த்திகை நட்சத்திரக்காரர்கள் அழகாகவும், கம்பீரமாகவும் இருப்பார்கள். இவர்கள் இனிப்பை விரும்பி உண்ணக் கூடியவர்களாக இருப்பார்கள். கார்த்திகை நட்சத்திரத்தில் பிறந்தவர்கள் சுறுசுறுப்பாகச் செயல்படுபவார்கள். எப்போதும் இனிய சிரித்த முகத்துடன் இருப்பார்கள். இந்த நட்சத்திரக்காரர்கள் வெளிப்படையாக பேசுவார்கள். அதேசமயம் இவர்களுக்கு அடிக்கடி கோபம் வரும். பசி பொறுக்க மாட்டார்கள்.

இந்த நட்சத்திரத்தில் பிறந்தவர்கள் வழக்கறிஞராகவும், பள்ளி ஆசிரியராகவும், கல்லூரிப் பேராசிரியராகவும் பணிபுரிவார்கள். ஒரு சிலர் மருத்துவத் தொழிலில் சிறந்து விளங்குவார்கள். கார்த்திகை நட்சத்திரத்தில் பிறந்தவர்கள் காதல் விஷயங்களில் ஒதுங்கியே இருப்பார்கள். திருமண வாழ்க்கையில் கறாராக இருப்பார்கள். தங்கள் துணையிடம் விட்டுக் கொடுத்துப் போக மாட்டார்கள். ஆழமான கொள்கை உடையவர்களாக இருப்பார்கள். தனக்கென தனிப் பாதையை அமைத்துக் கொண்டு பயணித்த நீண்ட காலம் வாழ்வார்கள்.