ஐசியூவாக மாறிய அரசு பேருந்து! ஓடும் பேருந்தில் பிரசவம்

 By Aishwarya G May 29, 2024, 21:15 IST1716997538000
ஓடும் பேருந்தில் நிறைமாத கர்ப்பிணிக்கு திடீரென ஏற்பட்ட பிரசவ வலி

கேரள மாநிலம் திருச்சூர் பெராமங்கலத்தில் ஓடும் கேஎஸ்ஆர்டிசி பேருந்தில் பெண்ணுக்கு குழந்தை பிறந்தது.  மலப்புரம் திருநாவாய பகுதியைச் சேர்ந்த 27 வயது பெண் குழந்தை பெற்றுள்ளார். 

திருச்சூரில் இருந்து தொட்டிபாலம் நோக்கிச் செல்லும் கே.எஸ்.ஆர்.டி.சி பேருந்தில் இளம் பெண்ணும் அவரது கணவரும் இன்று மதியம் சென்று கொண்டிருந்தனர்.  பஸ் பெராமங்கலத்தை கடந்ததும் அந்த பெண்ணுக்கு கடுமையான பிரசவ வலி ஏற்பட்டது. இதையடுத்து பஸ்சை திருப்பி அமலா மருத்துவமனை அவசர சிகிச்சை பிரிவுக்கு கொண்டு வந்தனர். இதற்குள் அவர் ஏற்கனவே பிரசவத்தின் பாதி நிலையை அடைந்திருந்தாள்.  

மருத்துவமனையின் டாக்டர்கள் மற்றும் செவிலியர்கள் பயணிகளை விடுவித்த பிறகு, குழந்தையை பஸ்ஸுக்குள் பாதுகாப்பாக வெளியே எடுத்தனர். தாயும் குழந்தையும் உடனடியாக மருத்துவமனைக்கு மாற்றப்பட்டனர். தாய் மற்றும் பெண் குழந்தைக்கு எந்தவிதமான உடல்நலக் கோளாறும் இல்லை என மருத்துவமனை அதிகாரிகள் தெரிவித்தனர். பேருந்து ஊழியர்கள் மற்றும் அமலா மருத்துவமனையின் சுகாதாரப் பணியாளர்களின் சரியான நேரத்தில் தலையீடுதான் அந்த இளம்பெண்ணுக்கு பேருந்தில் இருந்த போதும் சுகப் பிரசவத்திற்கு வழி வகுத்தது.


 

From around the web