உலக கோப்பை செஸ் தொடரில் இறுதி வரை முன்னேறிய இந்திய வீரர் பிரக்ஞானந்தாவை பிரதமர் மோடி இன்று நேரில் அழைத்து பாராட்டினார்.
அஜர்பைஜானின் பாகு நகரில் நடைபெற்ற செஸ் உலகக்கோப்பை இறுதிப்போட்டியில் முதல்நிலை வீரர் கார்ல்சன் பிரக்ஞானந்தாவை வீழ்த்தினார். முதல் 2 சுற்று போட்டிகளும் சமனில் முடிந்த நிலையில், டை பிரேக்கர் சுற்று நடைபெற்றது. டை பிரேக்கர் சுற்றில் பிரக்ஞானந்தாவை வீழ்த்தி நம்பர் ஒன் வீரரான நாரே நாட்டின் கார்ல்சன் மகுடம் சூடினார். நாக் அவுட் உலகக்கோப்பை செஸ் போட்டியில் கார்ல்சன் கோப்பையை பெறுவது இதுவே முதல்முறையாகும். டைபிரேக்கர் போட்டியின் முதல் சுற்றில் கார்ல்சன் வென்ற நிலையில், இரண்டாவது சுற்று டிராவில் முடிந்தது. இறுதிப்போட்டியில் வென்றாக வேண்டும் என்ற கட்டாயத்துடன் களமிறங்கிய பிரக்ஞானந்தா கார்ல்சனிடம் போராடி தோற்றார்.
உலகளவில் 2,3-ம் நிலை வீரர்களை வென்று இறுதிக்கு முன்னேற்றிய சென்னையை சேர்ந்த பிரக்ஞானந்தா, முதல்நிலை வீரரும் உலக சாம்பியனாக இருந்த கார்ல்சனிடம் போராடி தோல்வியடைந்தார். இதன்மூலம் உலகக்கோப்பை 2 ஆம் இடம் பிடித்த பிரக்ஞானந்தா, கேண்டிடேட் செஸ் தொடருக்கு தகுதி பெற்றுள்ளார். 18 வயதில் செஸ் உலகக் கோப்பை செஸ் தொடரில் இறுதி வரை முன்னேறிய முதல் இந்திய வீரர் பிரக்ஞானந்தா என்ற சாதனையை படைத்தார்.
Had very special visitors at 7, LKM today.
— Narendra Modi (@narendramodi) August 31, 2023
Delighted to meet you, @rpragchess along with your family.
You personify passion and perseverance. Your example shows how India's youth can conquer any domain. Proud of you! https://t.co/r40ahCwgph
இந்த நிலையில், உலக கோப்பை செஸ் தொடரில் இறுதி வரை முன்னேறிய இந்திய வீரர் பிரக்ஞானந்தாவை பிரதமர் மோடி இன்று நேரில் அழைத்து பாராட்டினார். இது தொடர்பாக பிரதமர் மோடி தனது டுவிட்டர் பக்கத்தில், பிரக்ஞானந்தாவை குடும்பத்துடன். சந்திப்பதில் மகிழ்ச்சி. நீங்கள் ஆர்வத்தையும் விடாமுயற்சியையும் வெளிப்படுத்துகிறீர்கள். உங்கள் உதாரணம் இந்தியாவின் இளைஞர்கள் எந்த களத்தையும் எப்படி கைப்பற்ற முடியும் என்பதை காட்டுகிறது. உன்னை நினைத்து பெருமை! இவ்வாறு குறிப்பிட்டுள்ளார்.