நாடாளுமன்ற குளிர்கால கூட்டத்தொடர் இன்று தொடக்கம்!

பரபரப்பான அரசியல் சூழ்நிலைக்கு மத்தியில் இன்று நாடாளுமன்ற குளிர்கால கூட்டத்தொடர் தொடங்குகிறது.

நாடாளுமன்ற குளிர்கால கூட்டத்தொடர் இன்று தொடங்குகிறது. இன்று முதல் டிசம்பர் 20ஆம் தேதி வரை கூட்டத்தொடர் நடைபெறும் என முன்னதாக அறிவிக்கப்பட்டது. இந்த கூட்டத்தொடரில் பல்வேறு முக்கிய மசோதாக்கல் தாக்கல் செய்யப்படலாம் என எதிர்ப்பார்க்கப்படுகிறது. குறிப்பாக வக்ஃப் வாரிய திருத்தச் சட்டம் உட்பட 16 மசோதாக்களை தாக்கல் செய்ய மத்திய அரசு திட்டமிட்டுள்ளதாக கூறப்படுகிறது. 

என்னென்ன விவாதங்கள் நடக்கும் என்பதை அலுவல் ஆய்வுக்குழு முடிவு செய்யும். கூட்டத்தொடரை சுமூகமாக நடத்த ஒத்துழைக்குமாறு அமைச்சர் கிரண் ரிஜிஜூ வலியுறுத்தியுள்ளார். மணிப்பூர் வன்முறை, அதானி லஞ்ச விவகாரம் உள்ளிட்ட பிரச்சனைகள் குறித்து விவாதிக்க எதிர்க்கட்சிகள் திட்டமிட்டுள்ளதால் காரசார விவாதங்கள் மற்றும் அமளி நடக்க வாய்ப்பு உள்ளது.