மோடியின் தலைமையின் கீழ் இந்தியா சிக்கலான பிரச்சினைகளில் ஒரு நிலைப்பாட்டை எடுப்பதில் இருந்து பின்வாங்குவதில்லை.. ஜே.பி. நட்டா

பிரதமர் மோடியின் தலைமையின் கீழ் இந்தியா சிக்கலான பிரச்சினைகளில் ஒரு நிலைப்பாட்டை எடுப்பதில் இருந்து பின்வாங்குவதில்லை என்று ஜே.பி. நட்டா தெரிவித்தார்.

பா.ஜ.க.வின் தேசிய தலைவர் ஜே.பி. நட்டா நேற்று "Modi: Shaping a Global Order in Flux"என்ற பிரதமர் மோடி குறித்து புத்தகத்தை வெளியிட்டார். அந்த புத்தக வெளியீட்டு விழாவில் ஜே.பி. நட்டா பேசுகையில் கூறியதாவது: பிரதமர் நரேந்திர மோடியின் தலைமையின் கீழ் இந்தியா சிக்கலான பிரச்சினைகளில் ஒரு நிலைப்பாட்டை எடுப்பதில் இருந்து பின்வாங்குவதில்லை. உலகளவில் நாட்டை பார்க்கும் விதத்தை அவர் மாற்றியுள்ளார். உள்நாட்டு வாக்கு வங்கி அரசியல் காரணமாக இந்திய அரசு தலைவர்கள் இஸ்ரேலுக்கு செல்லத் துணியவில்லை. 

உள்நாட்டு வாக்கு வங்கி அரசியல் கட்டாயப்படுத்தப்பட்டது, மேலும் இந்தியா இஸ்ரேலுடன் உறவை வளர்த்துக் கொள்ள முடியவில்லை. ஆனால் பிரதமர் மோடி இஸ்ரேலுக்கும், பாலஸ்தீனத்திற்கும் விஜயம் செய்தார். இரண்டு வெவ்வேறு நாடுகளை சிறந்த முறையில் கையாளும் திறன் இந்தியாவுக்கு இருப்பதை இது காட்டுகிறது. முன்பு இல்லாத வகையில் இந்தியாவை பாகிஸ்தானுடன் இணைத்து பேசுவதை தவிர்க்கும் நடவடிக்கையில் மோடி வெற்றி பெற்றுள்ளார். உலக அளவில் இந்தியா எப்படி பார்க்கப்படுகிறது என்பதை மாற்றியமைத்ததில் பிரதமர் மோடியின் பங்களிப்பு குறித்து ஒப்பீட்டளவில் குறைவாகவே எழுதப்பட்டுள்ளது. மேலும் இந்த புத்தகம் விவாதத்தை தொடங்கும். 

மோடி ஜி ஆட்சிக்கு வருவதற்கு முன்பு இந்தியாவின் பிம்பம் என்ன என்பதை புரிந்து கொள்ள வேண்டியது அவசியம். பொருளாதாரம் வீழ்ச்சியடைந்தது, ஊழல் நிறைந்த நாடு, மீண்டும் மீண்டும் தீவிரவாத தாக்குதல்கள் மற்றும் நிலையான அரசாங்கம் இல்லாதது போன்ற ஒரு பிம்பத்தை இந்தியா கொண்டிருந்தது. மிகவும் சோகமான பகுதி, பிரதமரின் அதிகாரம் பறிக்கப்பட்டது. சுமார் 60 நாடுளுக்கு சென்ற மோடி, 100க்கும்  மேற்பட்ட வெளிநாட்டு பயணங்களை மேற்கொண்டார், பழைய நட்பு நாடுகளுடன் இந்தியாவின் உறவை வலுப்படுத்தியதோடு, புதிய கூட்டான்மைகளையும் தொடங்கினார். பிரதமர் நடைமுறையில் அனைத்து அண்டை நாடுகளுக்கும் சென்று உறவுகளை பலப்படுத்தினார். இவ்வாறு அவர் தெரிவித்தார்.