நாடு முழுவதும் 543 மக்களவைத் தொகுதிகளுக்கு ஏழு கட்டங்களாக நடத்தப்பட்ட வாக்குப்பதிவு, ஜூன் 1ஆம் தேதியுடன் நிறைவடைந்த நிலையில் தேர்தலில் பதிவான வாக்குகள் இன்று எண்ணப்படுகின்றன. 140 கோடி மக்கள் தொகை கொண்ட இந்தியாவை, அடுத்த 5 ஆண்டுகள் ஆளப்போவது யார் என்பதை தெரிந்து கொள்ள அனைவரும் ஆவலுடன் காத்து கொண்டிருக்கின்றனர்.
இந்நிலையில் காலை 8:00 மணி முதல் தபால் வாக்குகள் எண்ணப்பட்டு வருகின்றன. தபால் வாக்குகளின் எண்ணிக்கையில் பாஜக கூட்டணி 157 இடங்களிலும் , காங்கிரஸ் கூட்டணி 62 இடங்களிலும் பிற கூட்டணி கட்சிகள் 8 இடங்களிலும் முன்னிலை வகித்து வருகிறது .
கேரளாவின் வயநாடு தொகுதியில் ராகுல் காந்தி முன்னிலை வகித்து வருகிறார். அதேபோல் தமிழ்நாட்டில் திமுக கூட்டணி தபால் வாக்குகளின் தொடர்ந்து முன்னிலை பெற்று வருகிறது . தூத்துக்குடி ,மதுரை, மத்திய சென்னை உள்ளிட்ட பல தொகுதிகளில் திமுக கூட்டணி முன்னிலை பெற்றுள்ளது.