பட்ஜெட் : இன்று முதல் நிர்மலா சீதாராமன் ஆலோசனை
Nov 21, 2022, 07:47 IST1668997070730
மத்திய நிதியமைச்சர் நிர்மலா சீதாராமன் இன்று பட்ஜெட் தொடர்பாக ஆலோசனை மேற்கொள்கிறார். இன்று முதல்வர் 28ம் தேதி வரையிலும் இந்த ஆலோசனை நடைபெற இருக்கிறது.
பட்ஜெட் தாக்கல் செய்யப்படுவதற்கு முன்பாக பட்ஜெட்டில் இடம்பெற வேண்டிய அம்சங்கள் குறித்து பல்வேறு துறை பிரதிநிதிகள்டன் கலந்து பேசி ஆலோசனை நடத்துவது நிதியமைச்சரின் வழக்கம். அதன்படி பட்ஜெட் குறித்து மத்திய நிதி அமைச்சர் நிர்மலா சீதாராமன் இன்று முதல் ஆலோசனை மேற்கொள்ள இருக்கிறார்.
வேளாண்மை துறை பிரதிநிதிகள், தொழிலாளர்கள் சங்கத் தலைவர்கள் உள்ளிட்டோருடன் இன்று ஆலோசனை நடத்துகிறார். உள் கட்டமைப்பு, பருவநிலை மாற்றம் ஆகிய அம்சங்கள் குறித்து ஆலோசனை நடைபெற இருக்கிறது. இம்மாதம் 28ஆம் தேதி வரை பட்ஜெட் தொடர்பான ஆலோசனைகளை நடத்திட மத்திய நிதி அமைச்சகம் முடிவு எடுத்து இருக்கிறது.