3 ரஃபேல் போர் விமானங்கள் இன்று மாலை பிரான்ஸில் இருந்து இந்தியாவிற்கு வர உள்ளன.
இந்திய- சீன எல்லையான லடாக்கில் சீன ராணுவம் அடிக்கடி அத்துமீறி தாக்குதல் நடத்தி வருகிறது. இதனால் விமானப்படைக்கு வலுசேர்க்கும் விதமாக கடந்த ஜூலை மாதம் 29ம் தேதி 5 ரஃபேல் போர் விமானங்கள் பிரான்ஸில் இருந்து வரவழைக்கப்பட்டு, விமானப்படையில் சேர்க்கப்பட்டன. பிரான்ஸ் அரசுடன் மத்திய அரசு 59 ஆயிரம் கோடி ரூபாயில் 36 ரஃபேல் போர் விமானங்களை வாங்க அண்மையில் ஒப்பந்தம் செய்திருந்தது.
அதிநவீன தொழில் நுட்பத்துடன் உருவாக்கப்பட்டிருக்கும் ரஃபேல் விமானங்கள், வானில் இருந்தே இலக்கை குறிவைத்து தாக்குல் திறன் கொண்டது. இந்த நிலையில், இன்று மாலை மேலும் 3 ரஃபேல் விமானங்கள் பிரான்ஸில் இருந்து இந்தியா வரவிருக்கின்றன. இதன் மூலமாக இந்தியாவில் இருக்கும் ரஃபேல் விமானங்களின் எண்ணிக்கை 8 ஆக உயரும்.