இன்று ஞாயிற்றுக்கிழமை என்பதால் ஐபிஎல் திருவிழாவில் இரண்டு போட்டிகள். முதல்போட்டியில் சன்ரைசர்ஸ் ஹைதராபாத் Vs ராஜஸ்தான் ராயல்ஸ்.
ஹைதராபாத் அணி 6 போட்டிகளில் ஆடி நான்கில் வென்றாலும் நெட் ரன்ரேட் அடிப்படையில் ஐந்தாம் இடத்தில் உள்ளது. இதே அளவு வெற்றிபெற்ற மும்பை இரண்டாம் இடத்தில் உள்ளது.
ராஜஸ்தான் ராயல் அணி இதுவரை ஆறு போட்டிகளில் ஆடி, இரண்டில் மட்டுமே வென்றிருக்கிறது. இதுவும் நெட்ரன் ரேட் அடிப்படையில் 7-ம் இடத்தில் உள்ளது. இதே அளவு இரண்டு வெற்றிபெற்ற சென்னை அணி ரன்ரேட் வித்தியாசத்தில் 6-ம் இடத்தில் உள்ளது.
டாஸ் வென்ற ஹைதராபாத் அணி கேப்டன் வார்னர் முதலில் பேட்டிங் ஆட் முடிவெடுத்தார். அவருடன் பேர்ஸ்டோ ஓப்பனிங் இறங்கினார்.
வார்னர் 48 ரன்களும், பேர்ஸ்டோ 16 ரன்களும் எடுத்து ஆட்டம் இழந்தனர். மனிஷ் பாண்டே சிறப்பாக ஆடி ஐம்பது ரன்களைக் கடந்தார். அடுத்து 4 ரன்கள் எடுத்ததும் உன்கட் பந்தில் ஆட்டமிழந்தார்.
20 ஓவர் முடிவில் சன்ரைசர் ஹைதராபாத் அணி 158 ரன்கள் எடுத்தது. 159 என்பதை ராஜஸ்தான் அணிக்கு வெற்றி இலக்காக நிர்ணயித்துள்ளது.