தமிழகம் மற்றும் புதுச்சேரியில் நிவர் புயலால் 15 மாவட்டங்களில் அதீத கனமழை பெய்யும் என்று சென்னை வானிலை ஆய்வு மையம் தெரிவித்துள்ளது.
தஞ்சை, திருவாரூர், நாகை, கடலூர், சென்னை, காஞ்சிபுரம், செங்கல்பட்டு அதீத கனமழை பெய்யும் என்று சென்னை வானிலை ஆய்வு மையம் கூறியுள்ளது.
மயிலாடுதுறை, அரியலூர், பெரம்பலூர், கள்ளக்குறிச்சி, விழுப்புரம் , திருவண்ணாமலை, புதுச்சேரி, காரைக்கால் மாவட்டங்களிலும் அதீத கனமழை பெய்யும் என்று அறிவித்துள்ளது. வங்கக் கடலில் நிலை கொண்டுள்ள நிவர் புயலின் வேகம் ஏழு கிலோ மீட்டரில் இருந்து 11 கிலோமீட்டர் ஆக அதிகரித்துள்ளது.
நிவர் புயலானது கடலூருக்கு 240 கிமீ தொலைவிலும், புதுச்சேரிக்கு 250கிமீ தொலைவிலும், சென்னைக்கு 300 கிமீ தொலைவிலும் புயல் மையம் கொண்டுள்ளது .