ஆரோக்கியம் தரும் பழைய சோறு!

`கழனியை நிறைத்த சோறு…
களைத்தவருக்கு பிடித்த சோறு…
உழைத்தவர் எல்லாம் உண்ணும் சோறு…’ – பழைய சோறு பற்றி இப்படியொரு கவிதையை பார்க்க நேர்ந்தது என்று பழைய சோற்றின் மகிமைகள் குறித்துப் பேசினார் மூலிகை ஆராய்ச்சியாளர் தமிழ்க்குமரன்.


பழைய சோறு:
“நம் பாட்டனும், பூட்டனும், ஆச்சியும், பாட்டியும் வயல் வேலைகளுக்குச் செல்லும்போது தூக்குச் சட்டியில் வெறும் பழைய சோத்தையும் கொஞ்சம் பச்சைமிளகாய், சின்ன வெங்காயத்தையும் கட்டிக்கொண்டு சென்றார்கள். சுட்டெரிக்கும் வெயிலில் நாள்முழுக்க உழைக்கும் அவர்களுக்கு இந்த பழைய சோறுதான் வலிமை தந்தது. பழைய சோற்றுக்கு கூடுதல் மகத்துவம் சேர்ப்பது முதல் நாள் மிஞ்சிய சோற்றில் ஊற்றி வைக்கப்பட்ட நீருடன் கலந்து நொதித்து மறுநாள் கிடைக்கும் நீராகாரம். நிசி நீர், சோற்று நீர், நீத்தண்ணீர், அன்னக்காடி, அன்ன அமுது, பழந்தண்ணி, கஞ்சித்தண்ணி என வேறு சில பெயர்களில் அழைக்கப்படும் இந்த நீராகாரம் பல்வேறு நலனைப் பெற்றுத் தரும்.

பழைய சோறு பற்றிய வரலாறு மிகச் சாதாரணமானது. ஏழை எளிய மக்கள், விவசாயிகள், சாமானிய மக்கள் முதல் நாள் சமைத்த உணவில் மீதமானது கெட்டுப்போகாமலிருக்க நீர் ஊற்றி வைத்தார்கள். அதை மறுநாள் காலை, மதியம் வரைகூட உணவாகப் பயன்படுத்தினார்கள். எளிய மக்களின் மிகச் சாதாரண நிகழ்வு இன்றைக்கு ஒரு வரலாறாகி உலகம் போற்றுமளவு உயர்ந்து நிற்கிறது.


மண்பானை:
`காலைச் சிற்றுண்டியாக பழைய சோறு சாப்பிடுவதால் உடல் லேசாகி சுறுசுறுப்படையும். இரவில் நீர் ஊற்றி மூடிவைப்பதால் அதில் லட்சக்கணக்கான நல்ல பாக்டீரியாக்கள் உருவாகின்றன’ என்று சொல்லியிருக்கிறார் அமெரிக்க விஞ்ஞானி ஒருவர்.

அரிசியில் தயாரித்து பழைய சோறு மட்டுமல்ல கேழ்வரகு, கம்பு போன்ற சிறுதானியங்களிலும் சுவையான பழங்கஞ்சிகளைத் தயாரிக்கலாம். சிறுதானியங்களை இடித்து மாவாக்கி காலையில் ஊற வைத்து மாலையில் நீர் விட்டுக் கரைத்து உப்பு சேர்த்துக் காய்ச்சுவார்கள். முதல்நாள் காய்ச்சி வைத்த மாவை மறுநாள் காலை எடுத்து தண்ணீர் அல்லது மோர் சேர்த்துக் கரைத்து துவையல், ஊறுகாய், மோர் வற்றல், சுட்ட கருவாடு சேர்த்துச் சாப்பிடச் சுவையாக இருக்கும். கோடை காலத்தில் ஆற வைத்தும் குளிர்காலத்தில் சூடாகவும் சாப்பிடலாம். மண்பானையில் செய்து வைத்துக் கொண்டால் நான்கு நாள் வரை கூட இதைப் பயன்படுத்தலாம்.

ஆரோக்கியம்:
பழைய சோறு சாப்பிட்டதால் நம் முன்னோர் ஆரோக்கியமாக இருந்தார்கள். ஆனால், இன்றைக்குக் கிடைக்கும் தீட்டிய அரிசியில் பழைய சோறு செய்து சாப்பிட்டால் நிச்சயம் நோய் வரும். கைக்குத்தல் அரிசியில் பழைய சோறு செய்து சாப்பிடுவது நலம் பயக்கும். பழைய சோற்றுடன் சிலர் தயிர் ஊற்றிச் சாப்பிடுவார்கள். அது அவ்வளவு நல்லதல்ல; தயிரை மோராக்கி அதன்பிறகு பழைய சோற்றுடன் சேர்த்துச் சாப்பிடலாம்.

மோர் சேர்த்த பழைய சாதம் செரிமானக் கோளாறுகளைப் போக்கி வாதம், பித்தத்தைத் தணிக்கும். இன்னும் பல சிறப்புகளைக் கொண்ட பழைய சோறு இன்றைக்கு `மார்னிங் ரைஸ் ட்ரிங்’ என்ற பெயரில் டப்பாக்களிலும், பாட்டில்களிலும் அடைத்து ஒரு லிட்டர் 250 ரூபாய் என வெளிநாடுகளில் விற்கிறார்கள்.

பழைய சோற்றின் மகத்துவம் அறிந்து அங்கே பெரிய வணிகமே நடக்கிறது. ஆனால், நம் ஊரில் பழைய சோறு சாப்பிட்டால் சர்க்கரை நோய் வரும், சளி பிடிக்கும், ஊளைச் சதை போடும் என்று ஏதேதோ சொல்லி நம்மை மூளைச்சலவை செய்து ஓட்ஸ், கெலாக்ஸ் என எதையெல்லாமோ சாப்பிட வற்புறுத்துகிறார்கள்.

இரும்புச்சத்து, வைட்டமின் பி 6 மற்றும் பி 12, நார்ச்சத்து, புரதச்சத்து நிறைந்த பழைய சோற்றைச் சாப்பிடுவதால் நோய் எதிர்ப்பு சக்தி கிடைக்கும்; மந்தநிலை விலகி சுறுசுறுப்பு கிடைக்கும்; உடல் சூடு தணியும்; வயிற்றுப்புண் ஏற்படாமல் தடுக்கப்படும்; ரத்த அழுத்தம் கட்டுக்குள் இருக்கும்; மலச்சிக்கல் பிரச்சினை நீங்கும்; அலர்ஜி விலகும்; செரிமான சக்தி அதிகரிக்கும்; உடல் வனப்பு பெறும்; உடல் வலி நீங்கும். இந்த உண்மை நமக்கெல்லாம் தெரிந்ததுதான் என்றாலும் அமெரிக்கன் நியூட்ரீஷன் அசோசியேஷனும் இதை உறுதிபடுத்தியிருக்கிறது. இதனால் பழைய சோறு உலகப்புகழ் பெற்றிருக்கிறது”.
பழைய சோறு நல்லதொரு உணவாகப் பயன்படுவதுடன் வருவாயையும் ஈட்டித்தரும்.

Most Popular

“டேய் காரை ஓட்ட சொன்னா என் மகளை ஓட்டிட்டு போய்ட்டியே “-ட்ரைவரை கொன்ற தொழிலதிபர். ..

தனது மகளின் காதல் விவகாரத்தால் கொதிப்படைந்த அவரின் பணக்கார தந்தை ,மகளின் காதலனை கொலை செய்த சம்பவம் புனேவில் பரபரப்பை உண்டுபண்ணியுள்ளது . புனேவில் யஷ்வந்த் காம்பிள் என்பவர் கட்டிடங்கள் கட்டும் கான்ட்ராக்டராக இருக்கிறார்...

‘திருமணத்துக்கு நகை சேர்க்க’..பெற்றோர்கள் படும் துயரத்தைப் பார்க்க முடியாமல் இளம்பெண் தற்கொலை!

காஞ்சிபுரம் மாவட்டம் குன்றத்தூர் அடுத்த பழைய நல்லூர் பகுதியில் வசித்து வரும் சம்பத்(51) என்பவர் தனது மனைவி மற்றும் மகளுடன் வசித்து வந்திருக்கிறார். அவருக்கு 21 வயதான ரேவதி என்னும் மகள் இருந்தார்....

மக்களைக் காக்க மீண்டும் பொது முடக்கம்? – அமைச்சரவை கூட்டத்தில் முடிவெடுக்கும் எடப்பாடி பழனிசாமி

தமிழகத்தில் நாளுக்கு நாள் கொரோனா நோயாளிகள் எண்ணிக்கை அதிகரித்து வரும் நிலையில் மீண்டும் மாநிலம் முழுக்க முழு ஊரடங்கு கொண்டுவரும் முடிவில் முதல்வர் எடப்பாடி பழனிசாமி உள்ளதாக அ.தி.மு.க வட்டாரங்கள் தெரிவிக்கின்றன. தமிழகத்தில் சென்னையில்...

`பிளாட்பாரத்தில் கூடாரம்; இரவில் போதை!- கணவனால் மனைவிக்கு நடந்த கொடுமை

சென்னையில் பிளாட்பாரத்தில் வாழ்க்கையை நடத்திய வந்த கணவன்-மனைவிக்கு இடையே போதையில் தகராறு ஏற்பட்டுள்ளது. இதில், ஏற்பட்ட சண்டையில் மனைவியை கட்டையால் அடித்துக் கொன்ற கணவரை காவல்துறையினர் கைது செய்து சிறையில் அடைத்துள்ளனர். சென்னை வேளச்சேரி...
Open

ttn

Close