குடிமக்களை பாதுகாப்பதில் எடியூரப்பா அரசு தோற்று விட்டது… கர்நாடக முன்னாள் முதல்வர் குமாரசாமி குற்றச்சாட்டு

கர்நாடகாவில் முதல்வர் பி.எஸ். எடியூரப்பா தலைமையிலான பா.ஜ.க. அரசு கொரோனா வைரஸிலிருந்து மக்களை பாதுகாப்பதில் தோற்று விட்டது என அம்மாநில முன்னாள் முதல்வரும், மதசார்ப்பற்ற ஜனதா தள தலைவருமான எச்.டி. குமாரசாமி குற்றச்சாட்டியுள்ளார். இது தொடர்பாக குமாராசாமி தொடர்ச்சியான டிவிட்களில் பதிவு செய்திருப்பதாவது:

போதிய படுக்கைகள் இல்லாததால் மருத்துவமனைகளால் கொரோனா வைரஸ் நோயாளிகள் திருப்பி அனுப்பப்படுகிறார்கள். குடிமக்களை பாதுகாக்கும் கடமையில் அரசு தோற்று விட்டது. முதல்வரும் அவரது அமைச்சரவை சகாக்களும் 3 மாதங்களாக வெறுமனே பேசி விலைமதிப்பில்லாத நேரத்தை வீணடித்து விட்டனர். அதிகரித்த கொரோனா வைரஸ் எண்ணிக்கைகள் அவர்களது முகத்தை முறைத்து பார்க்கின்றன. அவர்கள் தற்போது உதவியற்றவர்கள். கோவிட் நிர்வாகத்தில் கேரள அரசின் வெற்றி மாதிரியை நீங்கள் நிரூபித்தாலும், அமைச்சர்கள் முரண்பாடான அறிக்கைகளை வெளியிடுவதில் நேரத்தை வீணடித்தனர் மற்றும் ஒன்றும் செய்யவில்லை. அமைச்சரவையில் ஒருங்கிணைப்பு குறைவால் கர்நாடகா பாதிக்கப்பட்டுள்ளது.

அரசு ஒருங்கிணைந்து செயல்படவில்லை என்றால் கொரோனா வைரஸ் நோயாளிகள் தெருக்களில் இறப்பதை கண்டனம் செய்யும் நாள் வெகு தொலைவில் இல்லை. நோயாளிகளுக்கு சிகிச்சை மறுக்கப்பட்ட மிகவும் வருத்தமான பல கதைகளை நாம் பார்த்து விட்டோம். முன்பு நான் சொன்ன ஆலோசனைகளை பரிசீலனை செய்து அதன் செயல்படுங்க என அரசிடம் வேண்டுகோள் விடுக்கிறேன். கட்சி அரசியலுக்கு இது நேரம் இல்லை. இவ்வாறு அதில் பதிவு செய்துள்ளார்.