கவுதம் காம்பீரின் தந்தையின் டொயோட்டா ஃபார்ச்சூனர் கார் திருடப்பட்டது

டெல்லி: முன்னாள் இந்திய கிரிக்கெட் வீரர் கவுதம் காம்பீரின் தந்தையின் கார் திருடப்பட்டுள்ளது.

முன்னாள் இந்திய கிரிக்கெட் வீரரும், பாஜக சட்டமன்ற உறுப்பினருமான கவுதம் காம்பீரின் தந்தையின் கார் திருடப்பட்டுள்ளது. டெல்லியின் ராஜேந்திர நகரில் உள்ள அவர்களது வீட்டிற்கு வெளியே நிறுத்தி வைக்கப்பட்டிருந்த வெள்ளை நிற டொயோட்டா ஃபார்ச்சூனர் எஸ்யூவி காரை திருடர்கள் திருடி சென்றனர். கடந்த புதன்கிழமை மதியம் 3.30 மணிக்கு தனது வீட்டின் முன்னர் அந்த காரை நிறுத்தினர். அடுத்தநாள் காலை அந்த கார் காணாமல் போனது தெரியவந்தது. அதன் பின்னர் இதுகுறித்து போலீசாருக்கு தகவல் தெரிவிக்கப்பட்டது.

இதையடுத்து அப்பகுதியில் இருந்த சிசிடிவி கேமரா காட்சிகளை போலீசார் ஆய்வு செய்தனர். திருடர்கள் ஒரு காரில் வந்து காம்பீரின் தந்தையின் காரை வேகமாக திருடிச் சென்றது சிசிடிவியில் பதிவாகியுள்ளது. அந்த திருடர்களின் முகம் சிசிடிவி காட்சியில் தெளிவாக தெரியவில்லை. அதனால் வழக்கு பதிந்து அவர்களை கண்டுபிடிக்கும் பணியில் போலீசார் ஈடுபட்டுள்ளனர்.