கையை கடித்த மகனை கழுத்தை நெறித்துக் கொன்ற தந்தை..பெரம்பலூர் அருகே நடந்த அதிர்ச்சி சம்பவம்!

பெரம்பலூர் மாவட்டம் வேப்பந்தட்டை அருகே உள்ள பாண்டகப்பாடி கிராமத்தில் வசித்து வரும் தம்பதி ராமசாமி – சரஸ்வதி. இவர்களுக்கு இரண்டு மகன்கள் இருந்தனர். அவர்கள் இரண்டு பேரும் வெளியூரில் வேலை செய்து வந்த நிலையில், மூத்த மகன் முத்தையா(29) சொந்த ஊருக்கு திரும்பியுள்ளார். வீட்டுக்கு வந்த அவர் தனக்கு திருமணம் செய்து வைக்குமாறும், தனது சொத்தை பிரித்து தருமாறும் தந்தையிடம் சண்டை போட்டுள்ளார். அதற்கு தந்தை மறுப்பு தெரிவித்ததால், குடிபோதையில் இருந்த முத்தையா ராமசாமியை அடித்ததோடு அவரை கடித்துள்ளார்.

அதில் லேசான காயம் அடைந்த ராமசாமி அன்று இரவு குடித்து விட்டு, வீட்டின் அருகே இருந்த கோவிலில் நின்று கொண்டிருந்த மகனிடம் சண்டை போட்டுள்ளார். சிறிது நேரத்தில் சண்டை கைகலப்பாக மாறி இருவரும் ஆள் இல்லாத இடத்துக்கு சென்றுள்ளனர். அங்கு ராமசாமி, முத்தையாவின் கழுத்தை கயிற்றைக் கொண்டு இறுக்கி கொலை செய்திருக்கிறார். முத்தையா சம்பவ இடத்திலேயே உயிரிழந்ததை எண்ணி அதிர்ச்சி அடைந்த ராமசாமி, முத்தையாவின் சடலத்தை அங்கேயே விட்டுவிட்டு வீட்டிற்கு சென்று உறங்கியுள்ளார்.

மறுநாள் காலை அந்த வழியே சென்ற மக்கள், முத்தையாவின் சடலத்தை பார்த்து போலீசாருக்கு தகவல் கொடுத்துள்ளனர். தகவல் அறிந்து வந்த போலீசார், முத்தையாவின் உடலை பிரேத பரிசோதனைக்கு அனுப்பி வைத்து விட்டு விசாரணை மேற்கொண்டதில் ராமசாமி தான் கொலை செய்தார் என்பது தெரிய வந்துள்ளது. இதனையடுத்து ராமசாமியை கைது செய்த போலீசார், அவரிடம் விசாரணையை தொடர்ந்து வருகின்றனர். இச்சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

Most Popular

பக்ரித் பண்டிகை கொண்டாட ஊருக்கு சென்ற ராணுவ வீரர் மாயம்… தேடுதல் பணி தீவிரம்!

பக்ரீத் பண்டிகை தினத்தை கொண்டாடுவதற்காக ஜம்மு காஷ்மீர் சோபியான் மாவட்டத்திற்கு சென்ற 162-வது பட்டாலியன் படை பிரிவை சேர்ந்த ரைபிள்மென் ஒருவர் மாலை 5 மணி முதல் காணாமல் போயுள்ளார். காணாமல் போன...

நாய்க்குட்டிக்கும் மாஸ்க் அணிவித்த சிறுவன்… இதயங்களை வென்ற செயல்!

அரசாங்கம் மக்கள் வெளியில் செல்லும் போது மாஸ்க் அணிந்து செல்லுமாறு தொடர்ந்து வலுயுறுத்தி வருகிறது. பெரும்பாலான மக்கள் அதை கடைபிடிப்பதில்லை. ஆனால் சிறுவன் ஒருவன் தான் மாஸ்க் அணிந்துள்ளது மட்டுமில்லாமல் தனது மாஸ்க் அணிவித்து...

ஆளுநர் மாளிகையில் சுதந்திர தின நிகழ்ச்சிகள் அனைத்தும் ரத்து

ஆளுநருக்கும், ஆளுநர் மாளிகையில் உள்ளவர்களுக்கும் கொரோனா தொற்று ஏற்பட்டுள்ளதை அடுத்து ராஜ்பவனில் நடைபெற இருந்த சுதந்திர தின நிகழ்ச்சிகள் அனைத்தும் ரத்து செய்யப்பட்டுள்ளன. தமிழக ஆளுநர் மாளிகையில் 87 பேருக்கு கொரோனா தொற்று உறுதியான...

இன்று 5,609 பேருக்கு கொரோனா… இதுவரை இல்லாத அளவிற்கு அதிக பட்சமாக 109 பேர் உயிரிழப்பு!

தமிழகத்தில் இன்று 58,211 பேருக்கு பரிசோதனை செய்யப்பட்டதில் 5,609 பேர் கொரோனா தொற்றால் பாதிக்கப்பட்டிருப்பதாக சுகாதாரத்துறை தெரிவித்துள்ளது. தமிழகத்தில் இதுவரை கொரோனா தொற்றால் பாதிக்கப்பட்டவர்களின் எண்ணிக்கை 2.63 லட்சத்தைக் கடந்துள்ளது. பரிசோதனை செய்யப்படுவோர்கள் மற்றும்...