திருச்சியில் சைக்கிளில் சென்று ஆய்வு செய்த டிஐஜி ஆனி விஜயா!

இன்று தமிழகம் முழுவதும் முழு ஊரடங்கு கடைபிடிக்கப்பட்டு வருகிறது. திருச்சியில் முழு ஊரடங்கை டிஐஜி ஆனி விஜயா சைக்கிளில் சென்று ஆய்வு செய்தது பரபரப்பை ஏற்படுத்தியது.

திருச்சி சரக டிஐஜி-யாக ஆனி விஜயா இரண்டு நாட்களுக்கு முன்பு பொறுப்பேற்றார். திருச்சி சரகத்தில் திருச்சி, கரூர், புதுக்கோட்டை, பெரம்பலூர், அரியலூர் ஆகிய ஐந்து மாவட்டங்கள் உள்ளன. பொறுப்பேற்ற உடனேயே திருச்சி சரகத்தில் பிரண்ட்ஸ் ஆஃப் போலீஸ் அமைப்பினரைப் பயன்படுத்த தடை விதித்துப் பரபரப்பை ஏற்படுத்தினார்.

இந்த நிலையில் இன்று தமிழகம் முழுக்க முழு ஊரடங்கு கடைப்பிடிக்கப்படும் நிலையில் பாதுகாப்பு ஏற்பாடுகளை ஆய்வு செய்ய ஆனி விஜயா சைக்கிளில் சென்றார். டிராக் சூட் அணிந்து பொது மக்களைப் போல அவர் சைக்கிளில் சென்றார். வருவது டிஐஜி என்று தெரியாமல் காவலர்கள் தடுத்து விசாரித்துள்ளனர். வந்திருப்பது டிஐஜி என்று தெரிந்ததும் போலீசார் அதிர்ச்சியடைந்தனர். அவர்களிடம் பாதுகாப்பு தொடர்பாக ஆனி விஜயா கேள்வி எழுப்பினார். தீவிர கண்காணிப்பில் ஈடுபடும் படி உத்தரவிட்டார். திருச்சியில் 20 கி.மீ தூரத்துக்கு அவர் சைக்கிளிலேயே சென்று ஆய்வு செய்தார். திருச்சி மாவட்ட எல்லையான மாத்தூர் வரை அவர் சைக்கிளிலேயே சென்றார். அவருடன் பாதுகாப்புக்கு என்று பெரிய படை எதுவும் வரவில்லை. ஒரே ஒருவர் பைக்கில் அவரைத் தொடர்ந்து வந்தார். ஆனி விஜயா சைக்கிளில் வந்து ஆய்வு செய்கிறார் என்ற தகவல் போலீசார் மத்தியில் பரவியது. இதனால் போலீசார் மத்தியில் பரபரப்பு நிலவியது.

Most Popular

விருதுநகர் பட்டாசு ஆலையில் 25க்கும் மேற்பட்ட குழந்தை தொழிலாளர்கள் மீட்பு!

விருதுநகரில் தியாகராஜபுரம் அருகில் ராஜகண்ணு பட்டாசு தொழிற்சாலையில் 25க்கும் மேற்பட்ட பெண் குழந்தை தொழிலாளர்கள் மீட்கபட்டுள்ளனர். கடந்த இருபதாண்டுகளில் இந்தியாவில் மட்டும் இரண்டு லட்சம் குழந்தைகள் காணாமல் போயிருக்கின்றன. குழந்தை தொழிலாளர்களாகவும், கூலிக்கு அடிமைகளாகவும்...

வாடகை போலீஸ் ட்ரஸ்ஸை மாட்டினார் – லஞ்சம் வாங்கும்போது ஒரிஜினல் போலீசிடம் மாட்டினார்- போலீஸ் அதிகாரியாக நடித்து மாமூல் வாங்கிய பெண்.

டெல்லியில் ஒரு பெண், தான் டெல்லியில் உள்ள ஒரு காவல் நிலையத்தில் பணி புரியும் சப் இன்ஸ்பெக்டர் என்று கூறி பலரிடம் போலியான சலான்களை கொடுத்து பணம் வசூல் செய்துள்ளார் . டெல்லியில் இரண்டு...

கொரோனா தொற்று உறுதியானதால் ஞானவேல்ராஜா இன்று விசாரணைக்கு ஆஜராகவில்லை!

பண மோசடி வழக்கில், சினிமா தயாரிப்பாளர் ஞானவேல்ராஜாவை கைது செய்ய விதிக்கப்பட்ட இடைக்கால தடையை ஆகஸ்ட் 27வரை நீட்டித்து உயர்நீதிமன்ற மதுரைக்கிளை உத்தரவு பிறப்பித்தது. 8 ஆம் தேதிக்குப் பின்னர் ஞானவேல்ராஜாவுக்கு கொரோனா...

தமிழகத்தில் இ-பாஸ் நடைமுறையை முழுமையாக அகற்ற வேண்டும்: மு.க.ஸ்டாலின்

வரும் 17 ஆம் தேதி முதல் விண்ணப்பிக்கும் அனைவருக்கும் தங்குதடையின்றி இ-பாஸ் அனுமதி கிடைக்கும் என தமிழக முதல்வர் எடப்பாடி பழனிச்சாமி அறிவித்துள்ளார். ஆதார் அல்லது ரேஷன் அட்டை நகலுடன் விண்ணப்பித்தால் இ-பாஸ்...
Do NOT follow this link or you will be banned from the site!