தீபாவளி சிறப்பு பேருந்துகள் நாளை முதல் இயக்கம் : எந்த பேருந்து எங்கிருந்து செல்லும் தெரியுமா?

தீபாவளிக்காக சிறப்பு பேருந்துகள் நாளை முதல் இயக்கப்படும் என போக்குவரத்து கழகம் அறிவித்துள்ளது.

இதுகுறித்து போக்குவரத்து கழக மேலாண் இயக்குநர் வெளியிட்டுள்ள செய்தி குறிப்பில், தீபாவளி பண்டிகையையொட்டி சிறப்பு பேருந்துகள் சென்னையிலிருந்து மூன்று நாட்களுக்கு 9 ஆயிரத்து 510 பேருந்துகளும் , பிற ஊர்களில் இருந்து 5,547 பெண்களும் என மொத்தம் 14 ஆயிரத்து 757 பேருந்துகள் இயக்கப்படவுள்ளது.

இந்த பேருந்துகளானது 15ஆம் தேதி முதல் 18-ஆம் தேதி வரை 16,086 பேருந்துகள் பிற ஊர்களில் இருந்து சென்னைக்கு வர இயக்கப்படுகிறது. சென்னையில் நாளை முதல் இயங்கும் சிறப்புப் பேருந்துகள், ஐந்து இடங்களில் இருந்து புறப்படும் வகையில் ஏற்பாடு செய்யப்பட்டுள்ளது.

பேருந்துகள் முன்பதிவு செய்ய சென்னை கோயம்பேடு பேருந்து நிலையத்தில் 10 முன்பதிவு மையங்களும், தாம்பரம் MEPZ பேருந்து நிலையத்தில் 2 மையங்களும், பூவிருந்தவல்லி பேருந்து மையத்தில் 1 மையமும் என மொத்தம் 13 மையங்கள் அமைக்கப்பட்டுள்ளது. பேருந்துகளை முன்பதிவு செய்ய www.tnstc.in, tnstc official app, www.redbus.in, www.paytm.com, www.busindia.com உள்ளிட்ட இணையதளங்களை அணுகலாம்.