விவாகரத்தான மனைவியைக் கொன்ற முன்னாள் கணவன் - இன்ஸ்டா ரீல்ஸ் கொடுத்த துப்பு

தெலுங்கானாவில் விவாகரத்து பெற்று இரண்டாவது திருமணம் செய்து கொண்ட முன்னாள் மனைவி இருக்கும் இடத்தை இன்ஸ்டா ரீல்ஸ் மூலம் அறிந்து வீட்டிற்கு சென்று  மிளகு ஸ்ப்ரே அடித்து வெட்டி கொலை செய்தவரை பொதுமக்கள் பிடித்து போலீசில் ஒப்படைத்தனர்.

தெலங்கானா மாநிலம் பெத்தப்பள்ளி மாவட்டம் மந்தானியை சேர்ந்த தேவரகொண்டா மகேஷ் (32).  மகாராஷ்டிரா மாநிலம் சந்திரபுரி மாவட்டம், பல்லாபூர் மண்டலம், திலக்வார்டைச் சேர்ந்தவர் புத்தார்த்தி சுனிதா. சுனிதாவின்  தாய்வழி பாட்டி  வீடு மந்தானி என்பதால்  அவர் அடிக்கடி தனது பாட்டி வீட்டிற்குச் செல்வார். அவ்வாறு செல்லும் போது மகேஷும் சுனிதாவும் பத்து ஆண்டுகளுக்கு முன்பு சந்தித்தனர். பி.டெக் படித்த மகேஷ், 2019 இல் ஆஸ்திரேலியா சென்று முதுகலைப் பட்டம் பெற்றார். அதன் பிறகு, கனடாவில் சாப்ட்வேர்  வேலையில் சேர்ந்தார். 2022 இல், மகேஷ் தனது பெரியவர்களை சமாதானப்படுத்தி சுனிதாவை திருமணம் செய்து கொண்டார். சுனிதாவுக்கு விசா கிடைக்காததால் ஊரில்  வீட்டில் விட்டுவிட்டு கனடா சென்றார். சில வருடங்களுக்குப் பிறகு கணவர் கனடாவில்  இருந்ததால் தனியாக இருந்த சுனிதா  வனஸ்தலிபுரத்தைச் சேர்ந்த உட்குலா ஸ்ரீநாத்தை காதலித்தார். பின்னர் அவரது கணவர் மகேஷ் விசா பெற்று கனடாவுக்கு அழைத்துச் சென்றாலும் ​​ஸ்ரீநாத்தை அவரால் மறக்க முடியவில்லை. அடிக்கடி போனில் பேசி வந்தார்.  இதனால்  தனது மனைவியின் நடத்தையில் சந்தேகம் அடைந்த மகேஷ் தொலைபேசியில் மற்றவர்களுடன் பேசுவதை அவர் தடுத்தார். இதனால் இருவருக்கும் இடையே சண்டை ஏற்பட்டது. கணவர் தன்னைத் துன்புறுத்துவதாகக் கூறி, கனடா காவல்துறையின் உதவியுடன் சுனிதா இந்தியாவில் உள்ள தனது பெற்றோரிடம் திரும்பினார். கனடாவில் உள்ள தனது கணவர் மற்றும் மந்தானியில் வசிக்கும் தனது மாமியார் மீது பல்லாப்பூர் காவல் நிலையத்தில் குடும்ப வன்முறை மற்றும் விவாகரத்து வழக்கு தொடர்ந்தார். 

இருப்பினும், நீதிமன்றத்தால் விவாகரத்து வழங்கப்படாத போதிலும், 2024 இல் பெரியவர்கள் முன்னிலையில் மகேஷும் சுனிதாவும் பிரிந்தனர். மகேஷ்  அப்போதும் கனடாவிலேயே இருந்தார். கணவரிடமிருந்து பிரிந்து பிறகு ஏப்ரல் 26, 2025 அன்று பெரியவர்கள் முன்னிலையில் சுனிதா ஸ்ரீநாத்தை திருமணம் செய்து கொண்டார். சமீபத்தில் மகேஷ்  தாயார் மாரடைப்பால் இறந்தார். இதனால் மகேஷ் இந்தியா வந்தார். பின்னர் அவர் கனடாவுக்குத் திரும்ப விரும்பினார், ஆனால் சுனிதா தாக்கல் செய்த வழக்குகள் காரணமாக கனடா செல்ல முடியவில்லை. தனது வாழ்க்கையை கொடுத்த சுனிதா ஸ்ரீநாத்துடன் வனஸ்தலிபுரத்தில் உள்ள கப்ராய் ஏரிக்கு அருகிலுள்ள ஒரு அடுக்குமாடி குடியிருப்பில் தங்கியிருப்பதை சுனிதாவின் இன்ஸ்டா ரீல்களில் இருந்து அறிந்து கொண்டார். இதற்காக கடந்த 60 நாட்களாக விடுதியில் தங்கியிருந்த  ​​மகேஷ் சுனிதாவைக் கொல்ல அவரது நடமாட்டத்தை நோட்டம் விட்டு வந்தார். இதற்காக சுனிதா வீட்டின் கதவுகள் பூட்டப்பட்டிருந்தால் அவற்றை வெட்ட ஒரு  கட்டர் இயந்திரத்தையும்,   கண்ணில் அடிக்க மிளகு ஸ்ப்ரே, தோட்டக்கலை கத்தி மற்றும் குத்தி கொலை செய்ய ஒரு சிறிய கத்தி வாங்கினார். சுனிதாவை கொலை செய்த பிறகு, தற்கொலை செய்து கொள்வதற்காக ஒரு கேனில் பெட்ரோல் நிரப்பி கொண்டு ஒரு வாடகை காரில் சுனிதாவின் அடுக்குமாடி குடியிருப்புக்குச் நேற்று மகேஷ் சென்றான். அங்கு காவலாளி இல்லாததைக் கண்டு, படிக்கட்டுகள் வழியாக சுனிதாவின் அடுக்குமாடி குடியிருப்பை சென்ற மகேஷ் உள்ளே நுழைந்தவுடன் சுனிதாவின் முகத்தில் மிளகு ஸ்ப்ரேயை அடித்தார். பின்னர் கத்தியால்  குத்திக் கொலை செய்தார். அதற்கு பக்கத்து வீட்டார் போலீசாருக்கு தகவல் தெரிவித்தால் மகேஷ் தன் மீது பெட்ரோல் ஊற்றி தீக்குளிக்க முயன்றான், ஆனால் போலீசார் அதற்குள் வந்ததால்  அவரை கைது செய்தனர்.போலீசார் விசாரணையின் போது மகேஷ், மரண தண்டனைக்கு கூட தயாராக இருப்பதாக தெரிவித்தார். மகேசை கைது செய்த போலீசார் சுனிதா உடலை கைப்பற்றி பிரேத பரிசோதனைக்காக அந்த பகுதியில் உள்ள அரசு மருத்துவமனைக்கு அனுப்பி வைத்து வழக்கு பதிவு செய்து விசாரணை நடத்துகின்றனர்.