மனைவியின் கழுத்தை அறுத்து கோடரியால் அந்தரங்கப் பகுதியை வெட்டி எடுத்து, காதுகளை துண்டித்து எடுத்து, தாடையை கோடரியால் உடைத்து கொடூரமாக கொலை செய்திருக்கிறார் கணவன். இத்தனையும் செய்த பின்னர் தூக்கிட்டு தற்கொலை செய்து கொண்டிருக்கிறார் அந்த நபர். மத்திய பிரதேசத்தில் நடந்திருக்கிறது இந்த அதிர்ச்சி சம்பவம்.
மத்திய பிரதேச மாநிலத்தில் தலோட் கிராமத்தில் வசித்து வந்தவர் பாலு சிங். 35 வயதான இந்த வாலிபரின் மனைவி தேஜ்குன்வர். இந்த தம்பதிக்கு 13 வயதில் ஒரு பெண் குழந்தையும், எட்டு வயதில் ஒரு ஆண் குழந்தையும் உள்ளனர். மனைவியின் நடத்தை மீது சந்தேகம் ஏற்பட்டிருக்கிறது. இதனால் பாலு சிங் அடிக்கடி தன் மனைவியுடன் இதுகுறித்து வாக்குவாதம் செய்து தகராறில் ஈடுபட்டு வந்திருக்கிறார். இதனால் குடும்பத்திற்குள் கணவன் மனைவிக்கு இடையே அடிக்கடி பிரச்சினை இருந்து வந்திருக்கிறது.
இந்த நிலையில் நேற்று மாலை வரைக்கும் பாலுசிங் வீட்டிலிருந்து வெளியே நடமாட்டம் இல்லாததால் பொதுமக்கள் சந்தேகம் அடைந்திருக்கிறார்கள். கிராமத்தைச் சேர்ந்தவர் போலீசாருக்கு தகவல் கொடுத்து இருக்கிறார். போலீசார் வந்து பார்த்தபோது பாலு சிங் வீடு உள்ளே உட்பக்கமாக பூட்டி இருந்திருக்கிறது. கதவை உடைத்துக் கொண்டு போலீசார் உள்ளே சென்று பார்த்த போது பாலு சிங் தூக்கில் சடலமாக தொங்கி இருக்கிறார். அவரது மனைவி கொடூரமான முறையில் கொலை செய்யப்பட்டு ரத்த வெள்ளத்தில் சடலமாக கிடந்திருக்கிறார். இருவரின் உடல்களையும் மீட்டு பிரேத பரிசோதனைக்காக போலீசார் அனுப்பி வைத்திருக்கின்றனர்.
மனைவியின் நடத்தை மீது கொண்ட சந்தேகத்தால் அவரை கொலை செய்ய முடிவு எடுத்திருக்கிறார். அதுவும் கொடூரமாக கொலை செய்த முடிவு எடுத்திருக்கிறார். அதன் பின்னர் தானும் தற்கொலை செய்து கொள்ள முடிவெடுத்து இருக்கிறார். இதனால் தனது இரண்டு குழந்தைகளையும் முதல் நாளே அத்தை வீட்டிற்கு அனுப்பி வைத்திருக்கிறார் பாலு சிங்.
சம்பவத்தன்று மனைவியின் கழுத்தை அறுத்து, அந்தரங்க பகுதியை கோடரியாலும் வெட்டி எடுத்து, காதுகளை துண்டித்து , கோடரியால் தாடையை உடைத்து கொடூரமான முறையில் கொலை செய்திருக்கிறார். அதன் பின்னர் தானும் வீட்டிலேயே தூக்கிட்டு தற்கொலை செய்து கொண்டிருக்கிறார் என்பது போலீஸ் விசாரணையில் தெரிய வந்திருக்கிறது.