காதலுக்கு இடையூறாக இருந்த பாட்டியை கொலை செய்த பேத்தி

கர்நாடகா மாநிலம் மாண்டியா மாவட்டத்தில் காதலுக்கு இடையூறாக இருந்த பாட்டியை காதலன் உதவியுடன் கொலை செய்த பேட்டியின் செயல் அதிர்ச்சியை ஏற்படுத்தியுள்ளது.

கே.ஆர்.பேட்டை தாலுக்காவில் உள்ள பூக்கனகெரேயில் பகுதியை சேர்ந்த 18 வயதுக்குட்பட்டதாகக் கூறப்படும் அந்தப் பெண், ஆகாஷ் என்பவரை காதலித்து வந்துள்ளார். இதனையறிந்த அப்பெண்ணின் பாட்டி 52 வயதான மகாதேவம்மா, காதலிப்பதற்கு இது வயதில்லை என கண்டித்ததாக கூறப்படுகிறது. மேலும் கல்வி மற்றும் எதிர்காலத்தில் கவனம் செலுத்துமாறு அவளுக்கு அறிவுரை கூறியதாகக் கூறப்படுகிறது. தனது காதலுக்கு பாட்டி இடையூறாக இருப்பதால், அவரை கொலை செய்ய ஆகாஷுடன் சேர்ந்து அப்பெண் சதி செய்ததாகக் கூறப்படுகிறது.

தகவல்களின்படி, வீட்டில் வேறு யாரும் இல்லாத நேரத்தைப் பயன்படுத்தி, இருவரும் மகாதேவம்மாவின் முகத்தில் தலையணையை வைத்து அழுத்தி மூச்சுத்திணறடிக்க செய்து கொன்றதாகக் கூறப்படுகிறது. இந்தச் சம்பவத்திற்குப் பிறகு, அந்தப் பேத்தி கொலை பற்றி எதுவும் தெரியாதது போல் நடித்ததாகக் கூறப்படுகிறது. மகாதேவம்மாவின் மரணம் குறித்து சந்தேகம் எழுந்ததை அடுத்து, காவல்துறை விசாரணையைத் தொடங்கியது. விசாரணையின் போது, ​​அந்தப் பேத்தியின் மீதும் சந்தேகம் எழுந்ததாகக் கூறப்படுகிறது. பேத்தி காவலில் எடுக்கப்பட்டதாகக் கூறப்படும் நிலையில், சம்பவத்திற்குப் பிறகு தப்பி ஓடியதாகக் கூறப்படும் ஆகாஷை போலீசார் தேடி வருகின்றனர்.