கொரோனா தடுப்பூசி – சென்னை மாநகராட்சி சாதனை!

கொரோனா தடுப்பூசி போடும் பணியில் சென்னை மாநகராட்சி புதிய சாதனையை நிகழ்த்தியுள்ளது.

தமிழகத்தில் கொரோனா பரவல் காரணமாக கடந்த ஜனவரி மாதம் முதல் தடுப்பூசி போடும் பணிகள் தொடங்கப்பட்டது. முதலில் முன்கள பணியாளர்கள் சுமார் 5 லட்சம் பேருக்கு தடுப்பூசி செலுத்தப்பட்டது . இதைத் தொடர்ந்து 45 வயதிற்கு மேற்பட்டோர் ,முதியவர்கள், 18 வயதிற்கு மேற்பட்டோருக்கு தடுப்பூசி செலுத்தப்பட்டு வருகிறது. இதுவரை 81 லட்சத்து 40 ஆயிரத்து 164 மேற்பட்டோர் தடுப்பூசி செலுத்தி கொண்டுள்ளனர்.அத்துடன் நேற்று ஒரே நாளில் 3 லட்சத்து 23 ஆயிரத்து 915 பேர் கொரோனா தடுப்பூசி செலுத்தி உள்ளதாக தெரிவிக்கப்பட்டுள்ளது

இந்நிலையில் நாடு முழுவதும் 45 வயதுக்கு மேற்பட்டோருக்கு தடுப்பூசி செலுத்திய பெருநகரங்களில் சென்னை முதலிடத்தில் உள்ளது. 45 வயதுக்கு மேற்பட்டோர் 55 சதவீதம் பேருக்கு தடுப்பூசி செலுத்தி சென்னை மாநகராட்சி சாதனை புரிந்தது.