“போ போ கூட்டம் போடாத போ”.. வடிவேலு டயலாக்கை வைத்து கொரோனா விழுப்புணர்வு.. வைரலாகும் மெடிக்கல் ஷாப்!
தமிழ் திரையுலகில் முன்னணி காமெடி நடிகராக வலம் வருபவர் நடிகர் வடிவேலு. சிறியவர்கள் முதல் பெரியவர்கள் வரை இவரது காமெடியை ரசிக்காதவர்கள் யாரும் இருக்க மாட்டார்கள். இவ்வாறு மக்களின் மனதில் நீங்கா இடம் பிடித்த இவர் சமீப காலமாக படங்களில் நடிக்காமல் விளக்கியிருக்கிறார். இருப்பினும் மீம்ஸ்களின் மூலமாகவோ அல்லது சோஷியல் மீடியாக்கள் மூலமாகவோ அடிக்கடி இவரது காமெடி ட்ரெண்டிங் ஆகி வருகிறது.
இந்த நிலையில, ஒரு கடையில் கொரோனா விழுப்புணர்வுக்காக வடிவேலுவின் டயலாக்குகள் போடப்பட்டுள்ளது இணைய தளத்தில் வைரலாகி வருகிறது. கொரோனா வைரஸ் அதிகமாக பரவி வருவதால் மக்கள் கூட்டமாக கூட வேண்டாம் என்றும் மாஸ்க் கட்டாயமாக அணிய வேண்டும் என்றும் தொடர்ந்து அறிவுறுத்தப்பட்டு வருகிறது. குறிப்பாக கடைகளுக்கு செல்லும் மக்கள் சமூக இடைவெளியை கடைபிடிக்க வேண்டும் என்று வலியுறுத்தப்பட்டு வருகிறது.
அதனால், ஒரு மெடிக்கலில் “முகக் கவசம் அணிபவர்கள் மட்டும் உள்ளே வா, போ போ கூட்டம் போடாத போ, தம்பி போங்க தம்பி மாஸ்க் போட்டுட்டு வாங்க” உள்ளிட்ட டயலாக்குகள் அச்சிடப்பட்டு கொரோனா விழிப்புணர்வு ஏற்படுத்தப்பட்டு வருகிறது.