கோவை
அதிமுகவின் 49-வது ஆண்டு தொடக்க விழாவையொட்டி, கோவை மாவட்ட தலைமை அலுவலகத்தில் கட்சிக்கொடி ஏற்றப்பட்டு, அண்ணா, எம்ஜிஆர் மற்றும் ஜெயலலிதா உருவ படங்களுக்கு மாலை அணிவித்து மரியாதை
செலுத்தப்பட்டது. கோவை தெற்கு சட்டமன்ற உறுப்பினர் அம்மன் கே. அர்ஜூனன் தலைமையில் நடைபெற்ற இந்த நிகழ்ச்சியில் கட்சி நிர்வாகிகள் ஏராளமானோர் கலந்துகொண்டனர். இதனை தொடர்ந்து அங்கு கூடியிருந்த
கட்சி தொண்டர்களுக்கு இனிப்புகளை வழங்கி மகிழ்ந்தனர். முன்னதாக, கட்சி தலைமை அலுவலகமான இதய தெய்வம் மாளிகையில் இருந்து ஊர்வலமாக சென்று கோவை அவினாசி சாலையில் உள்ள அண்ணா, எம்.ஜி.ஆர், ஜெயலலிதா ஆகியோரது சிலைகளுக்கு மாலையிட்டு மரியாதை செலுத்தப்பட்டது.