தல 59வது படத்தின் ஃபர்ஸ்ட் லுக் போஸ்டரை கலாய்த்து வரும் நெட்டிசன்களுக்கு அஜித் ரசிகர்கள் பதிலடி கொடுத்து வருகின்றனர்.
தல 59வது படத்தின் ஃபர்ஸ்ட் லுக் போஸ்டரை கலாய்த்து வரும் நெட்டிசன்களுக்கு அஜித் ரசிகர்கள் பதிலடி கொடுத்து வருகின்றனர்.
போனி கபூர் தயாரிப்பில் ஹெச்.வினோத் இயக்கி வரும் அஜித்தின் 59வது படத்திற்கு “நேர்கொண்ட பார்வை” என தலைப்பு வைக்கப்பட்டு, படத்தின் ஃபர்ஸ்ட் லுக் போஸ்டரை சில தினங்களுக்கு முன் படக்குழு வெளியிட்டது. இப்படம் பாலிவுட்டில் பெரிதும் வெற்றிபெற்ற “பிங்க்” திரைப்படத்தின் ரீமேக் ஆகும். அமிதாப்பச்சன் கேரக்டரில் அஜித் நடித்து வருகிறார். டாப்ஸி கேரக்டரில் ஸ்ரத்தா ஸ்ரீநாத் நடித்து வருகிறார்.
இந்நிலையில், இந்தியில் வெளியிடப்பட்ட ஃபர்ஸ்ட் லுக் போஸ்டரை போலவே, தமிழிலும் வெளியிட்டுள்ளனர் என்று கூறி, சமூக வலைதளங்களில் ஃபர்ஸ்ட் லுக்கை ட்ரோல் செய்தும், மீம்ஸ் போட்டும் நெட்டிசன்கள் கலாய்த்து வருகின்றனர். படத்தின் தலைப்பை “நேர்கொண்ட பார்வை” வைத்துக்கொண்டு இப்படி காப்பியடிக்கிறார்களா? என்று கேள்வி எழுப்பினர். இதை கண்டு பொறுக்க முடியாத அஜித் ரசிகர்கள் ரீமேக் உரிமை பெற்றே படம் எடுக்கப்பட்டு வருகிறது. இதில் காபி அடிப்பதற்கு ஒன்றுமில்லை என்று பதிலடி கொடுத்து வருகின்றனர்.
விஸ்வாசம் படத்தின் மெகா ஹிட்டிற்கு பிறகு, அஜித் நடித்து வரும் இந்த படத்தில் அஜித்திற்கு ஜோடியாக வித்யாபாலன் நடிக்கிறார். இப்படத்தின் மூலம் வித்யாபாலன் தமிழ் திரையுலகில் அறிமுகமாகிறார். தீனா, பில்லா, மங்கத்தா ஆகிய படங்களுக்கு இசையமைத்த அஜித்தின் ஆஸ்தான இசையமைப்பாளர் யுவன்ஷங்கர் ராஜா இப்படத்திற்கு இசையமைப்பது படத்திற்கு (குறிப்பாக பின்னணி இசை) கூடுதல் பலமாக அமையும் என எதிர்பார்க்கப்படுகிறது.