எச்.சி.எல். டெக்னாலஜிஸ் லாபம் ரூ3,265 கோடி.. பங்கு ஒன்றுக்கு ரூ.10 டிவிடெண்ட்

எச்.சி.எல். டெக்னாலஜிஸ் நிறுவனம் 2021 செப்டம்பர் காலாண்டில் ஒட்டு மொத்த அளவில் நிகர லாபமாக ரூ3,265 கோடி லாபம் ஈட்டியுள்ளது.

நம் நாட்டின் மிகப்பெரிய சாப்ட்வேர் சேவைகள் வழங்கும் நிறுவனங்களில் ஒன்றான எச்.சி.எல். டெக்னாலஜிஸ் தனது கடந்த செப்டம்பர் காலாண்டு நிதி முடிவுகளை வெளியிட்டுள்ளது. எச்.சி.எல். டெக்னாலஜிஸ் நிறுவனம் 2021 செப்டம்பர் காலாண்டில்  ஒட்டு மொத்த அளவில் நிகர லாபமாக ரூ3,265 கோடி லாபம் ஈட்டியுள்ளது. இது 2020 செப்டம்பர் காலாண்டைக் காட்டிலும் 3.9 சதவீதம் அதிகமாகும். அந்த காலாண்டில் எச்.சி.எல். டெக்னாலஜிஸ் ஒட்டு மொத்த அளவில் நிகர லாபமாக ரூ.3,142 கோடி ஈட்டியிருந்தது.

2021 செப்டம்பர் காலாண்டில் எச்.சி.எல். டெக்னாலஜிஸ் நிறுவனம் ஒட்டு மொத்த அளவில் வருவாயாக ரூ.20,655 கோடி ஈட்டியுள்ளது. இது 2020 செப்டம்பர் காலாண்டைக் காட்டிலும் 11.1 சதவீதம் அதிகமாகும். 2021 ஜூன் காலாண்டில் எச்.சி.எல். டெக்னாலஜிஸ் நிறுவனம் ஒட்டு மொத்த அளவில் வருவாயாக ரூ.20,068 கோடி ஈட்டியிருந்தது. கடந்த செப்டம்பர் காலாண்டு இறுதி நிலவரப்படி, எச்.சி.எல். டெக்னாலஜிஸ் நிறுவனத்தின் மொத்த பணியாளர்களின் எண்ணிக்கை 1.87 லட்சமாக உள்ளது.

எச்.சி.எல்.  டெக்னாலஜிஸ் நிறுவனம் இந்த நிதியாண்டின் இரண்டாவது காலாண்டுக்கு தனது பங்குதாரர்களுக்கு பங்கு ஒன்றுக்கு ரூ.10 டிவிடெண்ட் அறிவித்துள்ளது. மும்பை பங்குச் சந்தையில் கடந்த வியாழக்கிழமையன்று பங்கு வர்த்தகம் முடிவடைந்தபோது எச்.சி.எல். டெக்னாலஜிஸ் நிறுவன பங்கின் விலை முந்தைய வர்த்தக தினத்தை காட்டிலும் 1.17 சதவீதம் குறைந்து ரூ.1,250.90ஆக இருந்தது.