Home இந்தியா ஆகஸ்ட்டில் கார் விற்பனை உயர்வு - முன்னணி நிறுவனங்களின் கார் விற்பனை அதிகரிப்பு

ஆகஸ்ட்டில் கார் விற்பனை உயர்வு – முன்னணி நிறுவனங்களின் கார் விற்பனை அதிகரிப்பு

நாட்டில் கார் விற்பனை ஆகஸ்ட் மாதத்தில் கணிசமாக உயர்ந்துள்ளது. கடந்த மார்ச் மாதத்தில், ஊரடங்கு அறிவிக்கப்பட்ட பிறகு, கடும் விற்பனை வீழ்ச்சியை சந்தித்த கார் நிறுவனங்கள், பின்னர் மே மாத த்திற்கு பிறகு படிப்படியாக சரிவிலிருந்து மீள தொடங்கின. எனினும், கடந்த ஆண்டுடன் ஒப்பிடுகையில் கார் விற்பனையில் வளர்ச்சியை காண முடியாத நிலை நீடித்து வந்தது. இந்த நிலையில், ஆகஸ்ட் மாதத்தில், முன்னணி கார் உற்பத்தி நிறுவனங்கள் விற்பனையில் வளர்ச்சியை கண்டுள்ளன.

மாருதி

மாருதி 20 % – ஹூண்டாய் 19.9 %

ஹூண்டாய்

முன்னணி நிறுவனமான மாருதி, 1 லட்சத்து 16 ஆயிரத்து 704 கார்களை ஆகஸ்டில் விற்பனை செய்துள்ளது. இது கடந்த 2019ம் ஆண்டு ஆகஸ்ட் மாத விற்பனையுடன் ஒப்பிடுகையில், 20.2 சதவீத வளர்ச்சி ஆகும். மற்றொரு முன்னணி நிறுவனமான ஹூண்டாய், ஆகஸ்டில், 45 ஆயிரத்து 809 கார்களை விற்பனை செய்துள்ளது. இது 19.9 சதவீத விற்பனை உயர்வு ஆகும்.

மகிந்திரா

மகிந்திரா –
ஆகஸ்ட் மாதத்தில் மட்டும் 13 ஆயிரத்து 651 வாகனங்களை மகிந்திரா நிறுவனம் விற்பனை செய்துள்ளது. இது 2019 ஆகஸ்ட் உடன் ஒப்பிடுகையில் ஒரு சதவீத வளர்ச்சியாகும்.

டொயோட்டா

டொயோட்டா
2019 ஆகஸ்ட் மாத விற்பனை உடன் ஒப்பிடுகையில், கடந்த ஆகஸ்டில் டொயோட்டா நிறுவனத்தின் கார் விற்பனை 48 சதவீத சரிவை சந்தித்த போதிலும், கடந்த ஜூலை மாதத்துடன் ஒப்பிடுகையில் விற்பனை உயர்ந்துள்ளதை அறிய முடிகிறது. ஜூலையில் 5 ஆயிரத்து 386 கார்களை விற்பனை செய்திருந்த நிலையில், ஆகஸ்டில் 5 ஆயிரத்து 555 கார்களை டோயோட்டா விற்பனை செய்துள்ளது என்பது குறிப்பிடத்தக்கது.- முத்துக்குமார்

மாவட்ட செய்திகள்

Most Popular

திருவண்ணாமலையில், பிப்.26, 27-ஆம் தேதிகளில் கிரிவலம் செல்ல தடை!

திருவண்ணாமலை கொரோனா அச்சுறுத்தல் காரணமாக, திருவண்ணாமலை அருணாச்சலேஸ்வரர் கோயிலில் நாளை முதல் 2 நாட்களுக்கு பௌர்ணமி கிரிவலம் செல்ல தடை விதிக்கப்பட்டு உள்ளது.

மனைவி வீட்டு வேலைகளை செய்யவேண்டுமென கணவன் எதிர்பார்க்க கூடாது! – உயர் நீதிமன்றம் கருத்து!

திருமண உறவில் மனைவி மட்டுமே அன்றாட வீட்டு வேலைகளைச் செய்ய வேண்டும் என்று கணவான்மார்கள் எதிர்பார்க்கக் கூடாது என்று மும்பை உயர் நீதிமன்றம் கருத்து கூறியிருக்கிறது. டீ போட்டுக் கொடுக்காததால்...

நடிகர் பவர்ஸ்டார் சீனிவாசன் மருத்துவமனையில் அனுமதி

பிரபல நடிகர் பவர்ஸ்டார் சீனிவாசன் உடல்நலக்குறைவினால் மருத்துவமனையில் அனுமதிக்கப்பட்டுள்ளார். சென்னை மதுரவாயலில் உள்ள தனியார் மருத்துவமனையில் அனுமதிக்கப்பட்டுள்ள அவருக்கு...

‘ராகுலிடம் நாராயணசாமி பொய் சொன்னார்’ – காங்கிரஸ் மீது மோடி கடும் விமர்சனம்!

ராகுல் காந்தியிடம் நாராயணசாமி பற்றி பெண் ஒருவர் புகாரளித்த வீடியோ குறித்து பிரதமர் மோடி விமர்சித்தார். புதுச்சேரியில் சட்டப்பேரவை தேர்தல் நெருங்கி வரும் சூழலில், ஆளும்...
TopTamilNews