ஆட்டோவில் இனி மினிமம் கட்டணம் ரூ.50..! – 13 ஆண்டுகளுக்கு பிறகு அதிரடியாக மாறிய ஆட்டோ கட்டணம்..!

By ttn desk Oct 28, 2026, 05:00 IST

ஆட்டோ ரிக்சாகளுக்கான கட்டணத்தை உயர்த்தி தமிழக அரசு அரசாணை வெளியிட்டுள்ளது.

தமிழக அரசாணையின்படி இந்த புதிய கட்டணம் நிர்ணயிக்கப்பட்டுள்ளது. மோட்டார் வாகன சட்டம் 1988, பிரிவு 67-ன் கீழ் இதற்கு உத்தரவிட்டுள்ளது. இதற்கு முன்பு 2013 மற்றும் 2014-ம் ஆண்டு பிறப்பிக்கப்பட்ட பழைய அரசாணைகள் ரத்து செய்யப்பட்டு இந்த புதிய கட்டணம் அமலுக்கு வருகிறது.

அதன்படி, ஆட்டோவில் குறைந்தபட்ச கட்டணம் ரூ. 50 ஆக நிர்ணயம் செய்யப்பட்டுள்ளது. குறைந்தபட்ச தூரம் 1.8 கிலோ மீட்டராக நிர்ணயம் செய்யப்பட்டுள்ளது. கூடுதலாக பயணம் செய்யும் ஒவ்வொரு கிலோ மீட்டருக்கும் தலா ரூ. 25 நிர்ணயம் செய்யப்பட்டுள்ளது.

மலைப்பாதைகளில் குறைந்தபட்ச கட்டணம் ரூ. 60 ஆக நிர்ணயம் செய்யப்பட்டுள்ளது. மலைப்பாதைகளில் கூடுதலாக பயணம் செய்யும் ஒவ்வொரு கிலோ மீட்டருக்கும் தலா ரூ. 30 நிர்ணயம் செய்யப்பட்டுள்ளது.

இரவு நேர கட்டணம் (இரவு 10 மணி முதல் காலை 5 மணி வரை) சாதாரண கட்டணத்தை விட 1.5 மடங்கு கூடுதலாக நிர்ணயம் செய்யப்பட்டுள்ளது.

காத்திருப்பு கட்டணம் 1 நிமிடத்திற்கு தலா ரூ. 1 என நிர்ணயம் செய்யப்பட்ட்டுள்ளது.

தமிழக அரசு மாநிலத்தில் ஆட்டோ கட்டணங்களைத் திருத்தியமைத்துள்ளது. 1.8 கி.மீ. தூரத்திற்கு குறைந்தபட்ச கட்டணமாக ரூ. 50 நிர்ணயிக்கப்பட்டுள்ளது. ஒவ்வொரு கிலோமீட்டருக்கும் கூடுதலாக ரூ.25 கட்டணம் நிர்ணயிக்கப்பட்டுள்ளது. https://t.co/jy0Z3BuhZN
— ᵛʲ༄𝚜𝚎𝚕𝚟𝚊 (@Selvatvk6kb) October 27, 2026