நடிகர் விஷால், தான் இயக்கி நடித்த 'மகுடம்' திரைப்படத்தை தொடர்ந்து தற்போது சுந்தர்.சி இயக்கத்தில் தமன்னாவுடன் இணைந்து 'புருஷன்' என்ற திரைப்படத்தில் நடித்து வருகிறார். இந்நிலையில், அடுத்ததாக பிரபல இயக்குநர் துரை செந்தில்குமார் இயக்கவுள்ள புதிய திரைப்படத்தில் விஷால் கதாநாயகனாக நடிக்க ஒப்பந்தமாகியுள்ளார். இப்புதிய திரைப்படத்தில் நடிகர் விஷால் வக்கீல் கதாபாத்திரத்தில் களமிறங்கவுள்ளதாக வெளியாகி உள்ள தகவல், அவரது ரசிகர்களிடையே எதிர்பார்ப்பை ஏற்படுத்தியுள்ளது.

'மகுடம்' படத்தை தொடர்ந்து விஷால், இயக்குநர் சுந்தர்.சி இயக்கத்தில் உருவாகி வரும் 'புருஷன்' திரைப்படத்தில் நடித்து வருகிறார். இப்படத்தில் விஷாலுக்கு ஜோடியாக தமன்னா நடித்து வருகிறார். வித்தியாசமான கதைக்களத்தில் உருவாகி வரும் இந்த படத்தின் படப்பிடிப்பு பணிகள் தற்போது நடைபெற்று வருகின்றன. இப்படம் குறித்த அடுத்தடுத்த அப்டேட்கள் மீது ரசிகர்கள் மத்தியில் எதிர்பார்ப்பு நிலவி வருகிறது.

இதற்கிடையே விஷாலின் அடுத்த படம் குறித்த புதிய தகவல் வெளியாகியுள்ளது. 'கொடி', 'லீடர்' உள்ளிட்ட படங்களை இயக்கிய துரை செந்தில்குமார் இயக்கத்தில் உருவாகும் புதிய படத்தில் விஷால் நடிக்க உள்ளதாக கூறப்படுகிறது. இந்த படத்தின் கதைக்களம் மற்றும் மற்ற நடிகர்கள் குறித்த அதிகாரப்பூர்வ அறிவிப்பு இதுவரை வெளியாகவில்லை. இருப்பினும், படத்தில் விஷால் வக்கீல் கதாபாத்திரத்தில் நடிக்க இருப்பதாக தகவல் வெளியாகியுள்ளது.

இந்த புதிய கூட்டணி குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது. அதன்பிறகே படத்தின் கதைக்களம், நாயகி, தொழில்நுட்பக் கலைஞர்கள் உள்ளிட்ட முழுமையான தகவல்கள் தெரியவரும்.