திருவண்ணாமலை மக்களவை தொகுதிக்குட்பட்ட திமுக நிர்வாகிகளுடன் உதயநிதி ஸ்டாலின் ஆலோசனை

திருவண்ணாமலை மக்களவை தொகுதிக்குட்பட்ட திமுக நிர்வாகிகளுடன் அக்கட்சியின் இளைஞரணி செயலாளரும், அமைச்சருமான உதயநிதி ஸ்டாலின் ஆலோசனை நடத்தினார். 

இது தொடர்பாக அமைச்சர் உதயநிதி ஸ்டாலின் வெளியிட்டுள்ள பதிவில், நாடாளுமன்றத் தேர்தலை முன்னிட்டு, கழக நாடாளுமன்றத் தேர்தல் மேற்பார்வை மற்றும் ஒருங்கிணைப்புக் குழுவின் சார்பில், திருவண்ணாமலை மக்களவைத் தொகுதிக்குட்பட்ட கழக நிர்வாகிகளுடனான ஆலோசனைக் கூட்டத்தில் அண்ணா அறிவாலயத்தில் உள்ள கலைஞர் அரங்கில் இன்று கலந்து கொண்டோம். தேர்தலையொட்டி மேற்கொள்ள வேண்டிய முன்னேற்பாட்டுப் பணிகள் -  கள நிலவரம் - பாக முகவர்களின் பணி - தொகுதி பார்வையாளர்களின் ஒருங்கிணைப்பு பணிகள் உள்ளிட்டவை குறித்து நிர்வாகிகளிடம் விரிவாக கேட்டறிந்தோம்.