"நானே தலைமைச் செயலகத்திற்கு வருவேன்"- ஸ்டாலினுக்கு விஜய் சவால்

பரந்தூர் விவசாயிகள், பொதுமக்களை அழைத்துக்கொண்டு நானே தலைமைச் செயலகத்திற்கு வருவேன் என தவெக தலைவர் விஜய் கூறினார்.

தமிழக வெற்றிக் கழகத்தின் செயற்குழு கூட்டம் பனையூரில் உள்ள கட்சி அலுவலகத்தில் இன்று ( வெள்ளிக்கிழமை) நடைபெற்று வருகிறது. இதில் தவெக செயற்குழு உறுப்பினர்கள், மாவட்ட செயலாளர்கள், சிறப்பு அழைப்பாளர்கள் என 1200  பேருக்கு மட்டுமே நுழைவு அடையாள அட்டை  வழங்கப்பட்டு அனுமதிக்கப்பட்டிருந்தனர்.  காலை செயற்குழு கூட்டத்திற்கு வந்த தவெக தலைவர் விஜய், கட்சியின் கொள்கை தலைவர்களுக்கு மலர்த்தூவி மரியாதை செலுத்தினார்.