கோயம்புத்தூர் மாநகராட்சி தெற்கு மண்டலம், வார்டு எண்.87க்குட்பட்ட குனியமுத்தூர், காளவாய் பகுதியில் அமைந்துள்ள ஆயிஷா மஹாலில் சனிக்கிழமை (11/10/2025) காலை 9.00 மணி முதல் மாலை 4.00 மணி வரை நடைபெறுகிறது.

இந்த பல்நோக்கு சிறப்பு மருத்துவ முகாமில், கண் மருத்துவம், பல் மருத்துவம், காது மூக்கு தொண்டை மருத்துவம், பொது மருத்துவம், பொது அறுவை சிகிச்சை, இருதய மருத்துவம், நுரையீரல் மருத்துவம், தோல் மருத்துவம், நரம்பியல் மருத்துவம், எலும்பு மருத்துவம், இயன்முறை மருத்துவம், மனநல மருத்துவம், குழந்தைகள் மருத்துவம், மகப்பேறு மருத்துவம் மற்றும் சித்தா, ஆயர்வேத மருத்துவம் உள்ளிட்ட 18 சிறப்பு மருத்துவ சேவைகள் இலவசமாக வழங்கப்படவுள்ளது.

மேலும், இம்முகாமில் முதலமைச்சரின் விரிவான மருத்துவ காப்பீட்டுத்திட்ட அடையாள அட்டை வழங்குதல், மாற்றுத்திறனாளிகளுக்கான அடையாள அட்டை வழங்குதல், அமைப்புசாரா தொழிலாளர்களுக்கான உறுப்பினர் அட்டை வழங்குதல் உள்ளிட்ட சேவைகளும் வழங்கப்படவுள்ளது.

எனவே, பொது மக்கள், கர்ப்பிணி பெண்கள், குழந்தைகள், மாணவ/மாணவியர்கள் உள்ளிட்ட அனைவரும் இம்முகாமில் கலந்து கொண்டு பல்நோக்கு சிறப்பு மருத்துவ சேவைகளை பெற்று பயனடையுமாறு மாநகராட்சி நிர்வாகம் கேட்டுக்கொண்டுள்ளது.