ஆட்சியைப் பிடித்த கையோடு அதிரடி: சொந்தமாக ‘வெற்றி தொலைக்காட்சி’யைத் தொடங்குகிறது தவெக!
2026 சட்டமன்றத் தேர்தலில் அமோக வெற்றி பெற்று தவெக ஆட்சியைப் பிடித்துள்ள சூழலில் ஆளுங்கட்சியான தமிழக வெற்றிக் கழகம் (தவெக) தங்களின் அதிகாரப்பூர்வ செய்தித் தொலைக்காட்சியான “வெற்றி தொலைக்காட்சி” (Vettri TV) என்ற புதிய செய்திச் சேனலைத் தொடங்கவுள்ளதாக அதிகாரப்பூர்வமாக அறிவித்துள்ளது.திமுகவின் கலைஞர் டிவி மற்றும் அதிமுகவின் ஜெயா டிவி பாணியில், தவெக அரசின் மக்கள் நலத் திட்டங்களையும், கட்சியின் கொள்கைகளையும் மக்களிடம் கொண்டு சேர்க்க இந்தச் சேனல் தொடங்கப்படுகிறது
இந்த புதிய தொலைக்காட்சித் தொடக்கம் அரசியல் வட்டாரத்தில் மிக முக்கியமான நகர்வாகப் பார்க்கப்படுகிறது. சென்னை பனையூரில் உள்ள கட்சியின் தலைமை அலுவலகத்தில் இதற்கான ஆரம்பக்கட்ட பணிகள் தீவிரமாக நடைபெற்று வருகின்றன. அதிநவீன தொழில்நுட்ப வசதிகளுடன், 24 மணி நேரமும் இயங்கக்கூடிய முழுநேர செய்தி மற்றும் அரசியல் விவாதக் காரியங்களுக்கான தளமாக இந்த ‘வெற்றி தொலைக்காட்சி’ உருவெடுக்க உள்ளதாகக் கட்சி வட்டாரங்கள் தெரிவிக்கின்றன.
தவெகவின் இந்த புதிய ஊடகப் பயணத்திற்கு, கட்சியின் கொள்கை பரப்புச் செயலாளரும், மூத்த அரசியல் தலைவருமான நாஞ்சில் சம்பத் தனது மனமார்ந்த வாழ்த்துகளைத் தெரிவித்துள்ளார். இதுகுறித்து அவர் வெளியிட்டுள்ள வாழ்த்துச் செய்தியில், “தமிழக அரசியல் வரலாற்றில் புதிய சகாப்தம் படைத்து வரும் முதலமைச்சர் விஜய்யின் சாதனைகளையும், தவெகவின் கொள்கை முழக்கங்களையும் பட்டிதொட்டியெங்கும் கொண்டு சேர்க்கப் போகும் ‘வெற்றி தொலைக்காட்சி’க்கு எனது மனமார்ந்த வாழ்த்துகள்; இத்தொலைக்காட்சி மக்களின் உண்மையான குரலாக ஒலிக்கும்” என்று நெகிழ்ச்சியுடன் குறிப்பிட்டுள்ளார்.
தவெகவின் வெற்றி தொலைக்காட்சி ஆரம்பம்... நாஞ்சில் சம்பந்த் வாழ்த்து
— Aravind TVK (@Aravind8282) June 16, 2026
தமிழக சட்டமன்ற தேர்தலில் வென்று ஆட்சியைப் பிடித்த தமிழக வெற்றிக் கழகம் (தவெக) தலைவரான முதலமைச்சர் விஜய், தனது கட்சிக்காவே புதிய தொலைக்காட்சியை தொடங்கி உள்ளார். சன் நியூஸ், கலைஞர் நியூஸ் உள்ளதோ, நியூஸ் ஜே உள்ளதோ,… pic.twitter.com/djP62ijwUQ