ஐயா...ஐயா...நடக்க கூட முடியாமல் தள்ளாடிய வந்து அஞ்சலி செலுத்திய வடிவேலு..!

By ttn desk Jun 11, 2026, 13:02 IST

இயக்குநர் இமயம் பாரதிராஜாவின் மறைவு ஒட்டுமொத்த தமிழ் திரையுலகையும் மீளாத் துயரத்தில் ஆழ்த்தியுள்ளது. சென்னையில் காலமான அவரது உடல், இறுதி அஞ்சலிக்காக தேனியில் உள்ள அவரது பண்ணை வீட்டிற்கு கொண்டு வரப்பட்டது. அங்கு திரண்டிருந்த அரசியல் தலைவர்கள், திரை பிரபலங்கள் மற்றும் பொதுமக்கள் கண்ணீர் மல்க அஞ்சலி செலுத்தி வருகின்றனர். அந்த வகையில், பாரதிராஜாவின் உடலுக்கு அஞ்சலி செலுத்த வந்த வைகைப்புயல் வடிவேலு, அவரது முகத்தை பார்த்ததும் துக்கம் தாளாமல் தேம்பித் தேம்பி அழத் தொடங்கினார்.

இயக்குநருக்கும் தமக்கும் உள்ள திரையுலக மற்றும் உணர்வுப்பூர்வமான பிணைப்பை நினைத்து உடைந்த வடிவேலு, அங்கிருந்தவர்களின் கைத்தாங்கலாக வந்து கதறி அழுதபடி அஞ்சலி செலுத்தினார். 'கிழக்குச் சீமையிலே' உள்ளிட்ட படங்களில் பாரதிராஜாவின் இயக்கத்தில் நடித்த நினைவுகளோடு, ஒரு தந்தையை இழந்தது போன்ற சோகத்துடன் வடிவேலு கண்ணீர் மல்க விடைபெற்ற இந்த நெகிழ்ச்சியான காட்சிகள் அங்கிருந்த அனைவரையும் உருக வைத்தன.

பாரதிராஜா முகத்தை பார்த்ததும் மளமளவென கண்ணீர் விட்டு அழ தொடங்கிய நடிகர் வடிவேலு.. கைத்தாங்கலாக வந்து அஞ்சலி செலுத்தி சென்ற சோக காட்சிகள்.!#Theni | #Director | #BharathiRaja | #ActorVadivelu | #PolimerNews pic.twitter.com/ky2R0KoG7a
— Polimer News (@polimernews) June 11, 2026