வீரபாண்டிய கட்டபொம்மனின் நினைவு தினம் - தமிழக ஆளுநர் புகழஞ்சலி

வீரபாண்டிய கட்டபொம்மனின் தியாக  திருநாளில் அவருக்கு நன்றியுள்ள தேசம் ஆழ்ந்த அஞ்சலி செலுத்துகிறது என ஆளுநர் மாளிகை குறிப்பிட்டுள்ளது.

நமது நாட்டின் சுதந்திரத்திற்காக பாடுபட்ட ஒப்பற்ற தலைவர்களில் ஒருவர் வீரபாண்டிய கட்டபொம்மன்.  ஆங்கிலேயர்களுக்கு எதிராக போர்க்கொடி தூக்கி, தூக்கு மேடை ஏறிய வீரபாண்டிய கட்டபொம்மனின் நினைவுதினம் இன்று அனுசரிக்கப்படுகிறது. அவரது நினைவு தினத்தையொட்டி தமிழக முதலமைச்சர் மு.க.ஸ்டாலின், எதிர்க்கட்சி தலைவரும் அதிமுகவின் பொதுச்செயலாளருமான எடப்பாடி பழனிசாமி, முன்னாள் முதலமைச்சர் ஓ.பன்னீர்செல்வம், தமிழக பாஜக தலைவர் அண்ணாமல உள்ளிட்ட தலைவர்கள் பலரும் அவருக்கு புகழஞ்சலி செலுத்தி வருகின்றனர்.