ஆட்டோ ஓட்டுநரை செருப்பால் தாக்கிய மநீம நிர்வாகி- ஆட்டோ ஓட்டுநர் கைது

சென்னை சைதாப்பேட்டையில் இருந்து ஆட்டோவில் பயணம் செய்த மநீம மகளிர் நிர்வாகி சினேகா மோகன் தாஸ் உடன், ஆட்டோ ஓட்டுநர் ஒருவர் தகராறில் ஈடுபடும் காணொலி வெளியானது.

சென்னை சைதாப்பேட்டையில் இருந்து மயிலாப்பூருக்கு ஆட்டோவில் சென்றுள்ளார் மக்கள் நீதி மய்ய நிர்வாகி சினேகா மோகன் தாஸ். அப்போது ஆட்டோ ஓட்டுநர் கூகுள் மேப்பை ஆப் செய்துவிட்டு, வேறு பாதையில் சென்றுள்ளார். இதுகுறித்து ஆட்டோ ஓட்டுநரிடம் கேட்டதால் இருவருக்கும் வாக்குவாதம் ஏற்பட்டது. புக்கிங் ஆப்பில் மேப்பை அணைத்துவிட்டு ஆட்டோவை இயக்கியதால் தட்டிக்கேட்டதால் கீழே இறங்குமாறு ஓட்டுநர் கூறியுள்ளார். இதனால் ஆவேசமடைந்த சினேகா, நடுரோட்டில் ஆட்டோ ஓட்டுநரை செருப்பால் தாக்கினார். பதிலுக்கு அவரை ஆட்டோ ஓட்டுநரும் தாக்கினார்.