'எல்லார்க்கும் எல்லாம்’- தமிழக பட்ஜெட் நாளை தாக்கல் குறித்து தமிழக முதல்வர் வீடியோ வெளியீடு 

தமிழக பட்ஜெட் நாளை தாக்கல் செய்யப்படவுள்ள நிலையில் தமிழக முதல்வர் மு.க.ஸ்டாலின் தனது எக்ஸ் தளத்தில் சிறப்பு வீடியோ ஒன்றை வெளியிட்டுள்ளார்.

2025-26ம் ஆண்டுக்கான பட்ஜெட் தமிழ்நாடு சட்டப்பேரவையில் நாளை தாக்கல் செய்யப்பட உள்ளது. நிதியமைச்சர் பொறுப்பை வகிக்கும் தங்கம் தென்னரசு தமிழக பட்ஜெட்டை தாக்கல் செய்கிறார். தமிழக பட்ஜெட்டை பொதுமக்கள் நேரலையில் காணும் வகையில் சென்னையில் 100 இடங்களில் ஏற்பாடு செய்யப்பட்டுள்ளது. சென்னை மாநகராட்சி சார்பில் இந்த ஏற்பாடு செய்யப்பட்டுள்ளது.