உ.பி., முன்னாள் முதல்வரும், பகுஜன் சமாஜ் கட்சியின் தலைவர் மாயாவதிக்கு நேற்று (ஜனவரி 15) 70 வது பிறந்த நாள்.

இந்நிலையில் லக்னோவில் மாயாவதி செய்தியாளர்களிடம் கூறியதாவது:வரும் 2027 உ.பி. சட்டமன்றத் தேர்தல் மற்றும் நாடு முழுவதும் நடைபெறும் மற்ற தேர்தல்களிலும் பிஎஸ்பி எந்தக் கட்சியுடனும் கூட்டணி வைக்காமல் தனித்து களமிறங்கும்.கடந்த காலங்களில் மற்ற கட்சிகளுடன் கூட்டணி அமைத்தபோது, பிஎஸ்பி-யின் ஓட்டுக்கள், கூட்டணிக் கட்சிகளுக்கு முழுமையாகக் கிடைத்தன. ஆனால், கூட்டணிக் கட்சிகளின் ஓட்டுக்கள் (குறிப்பாக உயர் சாதியினரின் ஓட்டுக்கள் ) பிஎஸ்பி-க்கு முழுமையாக மாற்றப்படவில்லை, இதனால் கட்சிக்குப் பின்னடைவு ஏற்பட்டது.

2007-ஆம் ஆண்டைப் போலவே, 2027-லும் உத்தரப் பிரதேசத்தில் பிஎஸ்பி தனிப்பெரும் பெரும்பான்மையுடன் ஆட்சி அமைக்கும்.தேர்தல்களில் மின்னணு வாக்குப்பதிவு இயந்திரங்கள் மூலம் முறைகேடுகள் நடக்கிறது. இருப்பினும் பிஎஸ்பி தனது முழு பலத்துடன் தேர்தல்களைத் தொடர்ந்து எதிர்கொள்ளும். இவ்வாறு மாயாவதி கூறினார்.