திருத்தணியைச் சேர்ந்த சக்திவேல் (30) பாகிஸ்தான் எல்லையில் பயங்கரவாதிகளுடன் நடைபெற்ற துப்பாக்கிச் சண்டையில் வீர மரணம் அடைந்தார். 

திருவள்ளூர் மாவட்டம், திருத்தணி அருகே சத்திரஞ்ஜெயபுரம் கிராமத்தைச் சேர்ந்த கன்னிவேல் என்பவரின் மகன் சக்திவேல் (30). இவர் 2018 ஆம் ஆண்டு இந்திய ராணுவத்தில் பணியில் சேர்ந்து, காஷ்மீரில் இந்தியா-பாகிஸ்தான் எல்லைப் பகுதியில் பணியாற்றி வந்தார்.

இந்நிலையில், நேற்று (நேரம் குறிப்பிடப்படவில்லை) காலை 11 மணியளவில் ராணுவ வீரர் சக்திவேல் பாதுகாப்புப் பணியில் ஈடுபட்டிருந்தபோது தீவிரவாதிகளுடன் கடும் துப்பாக்கிச் சண்டை நடந்தது. இந்தச் சண்டையின்போது தீவிரவாதிகளைச் சுட்டு வீழ்த்திய ராணுவ வீரர் சக்திவேல், தீவிரவாதிகளின் எதிர் தாக்குதலில் குண்டடிபட்டு வீர மரணம் அடைந்தார். இத்தகவலை இந்திய ராணுவம் சார்பில் திருத்தணி காவல் நிலையத்திற்கும், சக்திவேலின் குடும்பத்தினருக்கும் தெரிவிக்கப்பட்டது.

வீர மரணம் அடைந்த ராணுவ வீரர் சக்திவேலின் உடல், காஷ்மீர் ராணுவ முகாமில் இருந்து இன்று அவரது சொந்த ஊரான சத்திரஞ்ஜெயபுரம் கொண்டுவரப்பட உள்ளது. அங்கு குடும்பத்தினர் மற்றும் பொதுமக்கள் அஞ்சலி செலுத்திய பின்னர், ராணுவ மரியாதையுடன் நல்லடக்கம் செய்யப்படவுள்ளது. வீரமரணம் அடைந்த சக்திவேலுக்கு தேவஸ்ரீ (26) என்ற மனைவியும், ஆஷிகா செர்லின் (4) என்ற மகளும், லெனின் அக்ரன் (2) என்ற மகனும் உள்ளனர்.