காட்பாடியில் லயோலா மணி திடீர் ஆய்வு: அம்பலமான அதிர்ச்சி முறைகேடுகள்..!!

By ttn desk Updated: Aug 14, 2026, 14:29 IST

காட்பாடி பாடநூல் குடோனுக்கு எவ்வித முன்னறிவிப்புமின்றி நேரில் சென்ற தமிழ்நாடு பாடநூல் மற்றும் கல்வியியல் பணிகள் கழகத்தின் தலைவராகப் பொறுப்பேற்றுள்ள லயோலா மணி,திடீர் ஆய்வு மேற்கொண்ட சம்பவம் கல்வித் துறை வட்டாரத்தில் பெரும் பரபரப்பை ஏற்படுத்தியுள்ளது.

காட்பாடி பாடநூல் குடோனுக்கு எவ்வித முன்னறிவிப்புமின்றி நேரில் சென்ற தலைவர் லயோலா மணி, அங்கு அடுக்கி வைக்கப்பட்டிருந்த ஆயிரக்கணக்கான பாடநூல்களின் தரம், விநியோகப் பதிவேடுகள் மற்றும் இருப்புக் கணக்குகளை தீவிரமாகத் தணிக்கை செய்தார். இந்த ஆய்வின் போது, பல பள்ளிகளுக்கு விநியோகிக்கப்பட வேண்டிய நூல்கள் அனுப்பப்படாமல் தேங்கிக் கிடந்தது மற்றும் சேமிப்புக் கிடங்கில் பராமரிப்புக்குறைபாடுகள் நிலவியது உள்ளிட்ட பல்வேறு அதிர்ச்சி தரும் முறைகேடுகள் வெளிச்சத்திற்கு வந்ததாகக் கூறப்படுகிறது.

அதிகாரிகள் மற்றும் ஊழியர்களிடம் அடுக்கடுக்கான கேள்விகளை முன்வைத்த லயோலா மணி, மாணவர்களின் கல்வி சார்ந்த பொருட்களில் எவ்வித அலட்சியத்தையும் பொறுத்துக் கொள்ள முடியாது என எச்சரித்தார். பாடநூல்கள் விநியோகத்தில் தாமதம் ஏற்பட்டதற்கான காரணங்களைக் கேட்டறிந்தவர், விநியோகப் பட்டியலில் உள்ள குளறுபடிகளை உடனடியாகச் சரி செய்து, உரிய பள்ளிகளுக்கு விநியோகத்தை விரைவுபடுத்துமாறு அதிகாரிகளுக்குக் கடுமையான உத்தரவுகளைப் பிறப்பித்தார்.

அரசுப் பள்ளி மாணவர்களுக்குத் தேவையான பாடநூல்கள் மற்றும் நலத்திட்ட உதவிகள் தங்குதடையின்றிச் சென்று சேருவதை உறுதி செய்யவே இத்தகைய திடீர் ஆய்வுகள் மேற்கொள்ளப்படுவதாக லயோலா மணி தெரிவித்தார். தமிழ்நாட்டின் அனைத்து மாவட்டங்களிலும் உள்ள பாடநூல் கிடங்குகளில் இதுபோன்ற தொடர் தணிக்கை நடத்தப்படும் என்ற அவரது அதிரடி நடவடிக்கையால், துறை சார்ந்த அலுவலர்கள் மற்றும் பணியாளர்கள் மத்தியில் பெரும் பரபரப்பு நிலவி வருகிறது.

2022ல் நடவடிக்கை எடுக்க எழுதி கொடுத்தும் நடவடிக்கை எடுக்காத திமுக அரசு
வேலூர் காட்பாடி தமிழ்நாடு பாடநூல் கிடங்கில் ஆய்வு மேற்கொண்டு
மின் இணைப்பு இல்லாத ஆவண அறை, பழுதடைந்த ஸ்விட்ச் பாக்ஸ்கள் மற்றும் 22 ஆண்டுகளாக அகற்றப்படாத கழிவுகள் குறித்து அதிகாரிகளிடம் கேள்வி எழுப்பி, உடனடி… pic.twitter.com/WAJG02O1ht
— Mr Expiry (@Expi_Nasni) August 13, 2026