கடந்த சில நாட்களாக, முன்னாள் எம்பி ஓ.பி. ரவீந்திரநாத் தான் தவெகவில் இணைய விருப்பம் தெரிவித்துத் தனது தந்தை ஓபிஎஸ்க்கு அழுத்தம் கொடுத்து வருவதாகவும், அதனடிப்படையில் ஓபிஎஸ் அணியினர் தவெக நிர்வாகிகளுடன் இரகசியப் பேச்சுவார்த்தை நடத்தி வருவதாகவும் செய்திகள் உலா வந்தன. குறிப்பாகத் தென் மாவட்டங்களில் தங்கள் ஆதரவாளர்களுடன் இணைந்து புதிய அரசியல் கணக்கை உருவாக்க இந்த நகர்வு மேற்கொள்ளப்படுவதாகப் பரவலாகப் பேசப்பட்டது.

இந்த வதந்திகள் குறித்து ஓபிஎஸ் அலுவலகம் மற்றும் அவரது ஆதரவாளர்கள் அளித்த விளக்கத்தில், இத்தகவல்கள் முற்றிலும் ஆதாரமற்றவை என்றும், அடிப்படை அற்ற வெறும் அரசியல் ஊகங்கள் என்றும் திட்டவட்டமாக மறுத்துள்ளனர். தங்களது சுயமரியாதையையும் அரசியல் அடையாளத்தையும் விட்டுக்கொடுத்து எந்தவொரு அவசர முடிவையும் எடுக்க வேண்டிய அவசியம் தங்களுக்கு இல்லை என அவர்கள் சுட்டிக்காட்டியுள்ளனர்.

தமிழக அரசியல் களம் தேர்தல்  தீவிரமடைந்து வரும் நிலையில், அதிமுகவின் பல்வேறு பிரிவுகளும் மாற்றுக்கட்சிகளை நோக்கி நகர்வதாக வெளியாகும் செய்திகள் இயல்பானதே என்று குறிப்பிட்ட மூத்த நிர்வாகிகள், ஓபிஎஸ் தனது ஆதரவாளர்களுடன் ஆலோசித்துத் தகுந்த நேரத்தில் சரியான அரசியல் முடிவை அதிகாரப்பூர்வமாக அறிவிப்பார் எனத் தெரிவித்துள்ளனர். இதன் மூலம் கடந்த சில நாட்களாகப் பரவி வந்த தவெக இணைப்புச் சர்ச்சைக்குத் தற்காலிகமாகத் முற்றுப்புள்ளி வைக்கப்பட்டுள்ளது